Camarada Nimoy no Liceo Mutante!!

Sábado 30 de xuño ás 22:00

Ti que és un militante da relixión do extravagante e da ciencia ficción, que comías bocatas de Nocilla vendo Star Trek, que te tocabas as orellas mentres admirabas ao Capitán Spock, aquí acollémoste e dámoste festa da boa.

Ti que pasas deses pretenciosos da Guerra das Galaxias e queres gozar ata estoupar bailando ao son do surf sobre unha táboa voadora imaxinaria.

Ti que moves as cadeiras ao ritmo do garaxe mais faltruqueiro, danzón e faltón ao norte do Miño, estás invitado á festa definitiva.

Sen cantantes de ningún tipo has de disfrutar a tope co son really molón dos Camarada Nimoy, a banda sonora das mellores naves espaciais.

E a cambio eles non piden un rescate de cen mil millóns de moeda terrícola senón unicamente tres euros (aínda en vigor no país da pandeireta) coas que voltar ao refuxio interestelar modelo festa 24h no que residen no cinto de Orión.

A ti, amigo mutante, e a túa irmá, cuñada e prima querémosvos ver dándolle ao bamboleo no Liceo Mutante. Avisados estades!

http://camaradanimoy.bandcamp.com/

Cinema no Xardín: Mercado de futuros

Mércores 27 ás 22:30
O Cineclube de Pontevedra continua coa súa programación no noso xardín. Esta semana dentro do ciclo adicado ao cinema feito baixo licencias abertas Creative Commons proxectarán o filme Mercado de Futuros (Mercedes Álvarez, 2011, 11′)
O desaloxo e derrubo dunha antiga casa, con todos os seus mobles, a súa abundante biblioteca e o seu cargamento enteiro de memoria persoal, constitúe o punto de arranque de “Mercado de futuros”, película documental que intenta trazar algúns rasgos do novo aspecto do mundo. A cámara asómase á febre do mercado inmobiliario, convertido nunha feira do espectáculo e promesa do enriquecemento ou do paraíso, aos borkers do investimento financeiro e aos gurús e predicadores do éxito e a mitoloxía empresarial. De fondo, queda unha ollada sobre a virtualización do espazo urbano, o desaloxo da memoria persoal e colectiva, e a banalización de sonos e desexos, convertidos finalmente en pura mercadoría.

A proxección será en 35mm. e a entrada é de balde. Apertura de portas ás 21:00

Betunizer + Djalminha + Festa de San Xoán

Sábado 23 de xuño

No Liceo funcionamos así. Antes de liala co aniversario (en xullo) traémosvos na noite máis meiga do ano á puta mellor banda da última fornada de loucura do escaparate barriobajero underground.
Betunizer son sangue e area nunha barra chea de mojitos. Unha apisoadora de post-hardcore tropical que o mesmo che rebenta o jeto que te pon a bailar por bulerías. Todo poesía en movemento sísmico, para un concerto que se recordará entre os grandes do Liceo.
Gustaranche se che quedou o cu torcido con Le Singe Blanc, Home Malo, Unicornibot, e se che gusta botarlle kétchup á empanada.
http://betunizer.bandcamp.com/
Acompáñanos os Djalminha, nova formación estratosférica de Gon (Unicornibot) e Fojo, dous non fumadores que están en forma e listos para darche unha malleira sónica.
Molaranche se te tocas con Extinción de los Insectos, Campamento Ñec Ñec e derivados, e se de pequeno ías á vía do tren a tirar pedras.
Todo isto na mellor noite do ano, para que te queimes na cacharela de malvivir, pero ben alimentado!
Abrimos portas dende as 20.30 para que desfrutes dunha gran noite!
Ven e quéimate no pantano do ardor na noite de San Xoán, por só seis moedas da era post-arábica (recorda, íntegras para pagar os excesos dos grupos, nada para o Liceo).
E recorda que a avaricia rompe o saco, a curiosidade matou o gato e, sobre todo, a impuntualidade fai chorar ao neno Xesús.
Despois do concerto saltaremos a fogueira e por suposto, haberá sardiñas e grellada das mellores carnes e verduras, todo a prezos de rescate!!!!

Gog y las Hienas Telepáticas + Brandauer!

Venres 22 ás 21:30

Gog y las Hienas Telepáticas (Gomorra, Galicia): ritos paganos, nigromancia, rock&roll, incursións ncturnas e amputacións sen anestesia.Fan un noise/punk acelerado e reptante. Influencias declaradas: The Jesus Lizard, Poison Idea, Unsane, John Lee Hooker, Edgar Broughton Band. Pero, por sorte non soan a ningún deles. Teñen prevista e gravación dos eu primeiro disco para o vindeiro mes de xullo.
Din deles: “Son un batedora que mesturan aos Dead Kennedys cos Dwarves, pasando por Poison Idea, Mission of Burma e Jesus Lizard con moito estilo propio. O bateria e o baixista a toda ostia e o guitarra acoplando a saco como debe ser”.
http://www.gogylashienas.blogspot.com/
http://vimeo.com/42634326
Pola súa banda Brandauer son un power trío madrileño nacido no 2009. Contan cun excelente disco “Antiguas Iluisones/Nuevas Decepciones”
e agora mesmo andan na gravación do seu segundo. Facturan un rock intenso e melódico con letras en castelán e influencias de bandas clave dos noventa como Hüsker Dü, Sugar, Superchunk ou Lemonheads.
http://www.brandauer.es/
http://soundcloud.com/brandauer/sets/antiguas-ilusiones-nuevas
http://www.youtube.com/watch?v=q4LZwHduKw8
http://kaputmagazine.blogspot.com.es/search?q=brandauer
Só por catro kopeks

Cinema no Xardín: Creative Commons Galego

Mércores 20 de xuño ás 22:30

O Cineclube de Pontevedra continúa coa súa programación de xuño e continúa tamén no xardín do Liceo.
Nesta ocasión baixo o epígrafe de Cine Creative Common galego engloba unha serie de pezas do máis diverso, baixo a única característica común de empregar licencias abertas.
O Poema, O Cadro, O Disco. Dir: Guillermo Arias, 66′
A Rosa Conxelada. Dir: Marc Nadal, 43′
Película Urxente por Palestina. Dir: Alberte Pagán, 14′
Curtas de Sr. Mundo: Broken. Dir: Brian Demoskoff, 7′
Neggy coñece a Sammy. Dir: Benjamin Carter,8′
The Bike. Dir: B.Carter, J. Junquera, 10′
Centos de Mistos

A entrada é de balde, as portas abríranse ás 21:00.

Zan Hoffman + Esteviño + Szentes no Liceo

Martes 19 de xuño ás 21.00.

Sí amigos, é certo. Volve Zan.
O noso amigo de Palo Alto volta ao Liceo despois de poñelo patas arriba oito meses atrás.
Volta coa súa faceta de crooner punk, de proto new wave,Bodycocktail. Se non bailas e quedas cautivado por este home é que non tes sangue nas venas.

http://zhdate.blogspot.com.es/

Algúns videos:

Antes del, producírase un dos debuts máis agardados: EsteViño.

EsteViño MC non é radiofórmula nin sistema. Non é unha hipoteca de Bankia, nin chistes de xitanos, maricas e gangosos. Non é millo transxénico nin un detective da SGAE. Non é un catenaccio nin unha perestroika. Non é o whisky do Lidl nin un #TrendinTopic.

EsteViño MC é un sacho que bica a terra. Un LP de Cindy Lauper a 45 RPM. Doce como o leite condensado, fresco como a caipirinha, suave como un sobaco dos Sacamantecas. Saleroso como Quasimodo bailando o limbo. Un relato de Chinaski, un gol de Cantona.
The coolest shit you’ve ever seen. Música-calor para despedir a primavera.

Szentes son catro modernos de merda que se aproveitan de que está de moda o rollito lo-fi para subirse a un escenario sen ter nen idea de tocar un instrumento. Espectáculo asegurado.

Todo isto por catro míseros euros

Campionato Galego de Fútbol de Mesa!

Grande acontecemento subbuteístico esta fin de semana!

Nada máis e nada menos que o Campionato Galego de Fútbol de Mesa, no que vai haber máis emoción que en toda a maldita eurocopa xunta.

Ademais o martes 12 e xoves 14 pola tarde estarán no Liceo contruíndo o campo e adestrando para o campionato.

Toda a información en : http://falconsvigo.wordpress.com/2012/06/12/campionato-galego-de-futbol-de-mesa-2011-12/

Pablo und Destruktion e Fee Rega no Liceo

Sábado 16 de xuño ás 21.30

Si, amigos, o vaqueiro conceptual asturianu volve ao Liceo e esta vez vén acompañado por Fee Rega, artista procedente de Berlín, mudouse a Asturies para compoñer os seus novos temas en español, todo enmarcado nun aura de folk “freudiano e psicodélico”
Goza dun pouco de arte, ensaio e jarana por cinco leuros (íntegros para os músicos, recorda) e gratis se xa gravaches o teu nome con letras de ouro no rexistro de Socios Mutantes.
http://pablounddestruktion.bandcamp.com/
http://feereega.bandcamp.com/

La Hydra+ Sierpes de la luz

Reunión de cañita brava no Liceo o venres 15…
La Hydra visítannos dende A Coruña e xuntan a xente de Ictus, Maisha, Kephra ou Camon Baby Destroy nun proxecto de metal apisonante con Breach, Cult of Luna ou Neurosis como referencias.

https://www.facebook.com/pages/La-Hydra/209782955750377

Sierpes de la Luz é un trío de sludge doom muñieiro-melódico formados por xente de Holywater, Unicornibot, Guerrera ou Satánico Ronaldo entre outros.

https://www.facebook.com/SierpesDeLaLuz

Moito lume para castigar pescozos e oídos por 4 € que van directamente para as bandas, e as bebidas e comida máis baratos que en Kirghizistan.

Cinema no xardín: Nader e Simín, unha separación

Mércores 13 ás 22:30

O Cineclube de Pontevedra segue a programar no xardín do Liceo, nesta ocasión tócalle o turno ao filme Nadir e Simin unha separación (Jodaeiye Nader az Simin,Asghard Farhadi, 2011, Irán,123′ VOSE)

Nader e Simin son un matrimonio cunha filla.Simin quere abandonar Irán para mellorar a vida. Nader quere quedar polo pai con alzheimer, quere coidalo.

A proxección será en 35mm. ás 22:30, apertura de portas ás 21:00.