Concerto de Negro + Proxección de Step Across The Border

Negro é o proxecto persoal do músico valenciano Fernando Junquera, ex membro de formacións como Balano, Salchicha ou Estrategia Lo Capto ademais de fundador dunha orquestra de improvisación conducida cos membros de Za! coñecida co nome de Orquesta del Caballo Ganador.
Neste proxecto que ven presentar por vez primeira a Galiza mostra o seu gusto polos contrastes, as atmósferas violentas, o caos sísmico e os armónicos imperfectos, nunha sorte de free blues fermoso e marabilloso, do que, certamente Russolo estaría orgulloso.

http://www.myspace.com/negritud

Para ir abrindo boca proxectaremos o filme de Nicolas Humbert e Werner Penzel sobre o guitarrista británico Fred Frith, Step Across the border (1990, Alemania, Suiza, 90′, VOSE)

Todo isto por só tres euros

Step Across The Border: 20:30
Concerto de Negro: 22:00

Cartaz de Berto Fojo

I Aniversario do Liceo Mutante

Parece que foi onte cando un grupo de ousados reuníanse nunha céntrica praza de Pontevedra para, entre pipas e latas de refresco, decidirse a pasar á acción e levar á práctica unha idea que tiñan en mente: constituír unha Asociación Cultural para poder desenvolver baixo o seu abrigo un montón de propostas culturais para unha xeración de mozos dividida entre o paro e a emigración.

O que parecía unha utopía inalcanzable foi dando paso a unha sucesión de difíciles retos para rematar conseguindo unha continuidade para un proxecto único que, aínda en cueiros, ten que ofrecer moito.

Froito dos dous espíritos, tanto o de celebrar o conseguido coma o de seguir mostrando a súa proposta, nace o primeiro Aniversario, que aglutina un concerto dalgunhas das bandas máis celebradas nese recanto do Lérez e un bo montón de actividades que farán as delicias de todos os asistentes. Celebrarase durante a tarde-noite do próximo 27 de xullo.

O cartel confórmano as bandas galegas Guerrera, Malandrómeda,Telephones Rouges e Unicornibot, así como as formacións experimentais que máis triunfaron no seu paso polo Liceo, Trilitrate e Suelen Estar Quartet. Dende Madrid e en representación de La Faena (templo do underground peninsular e espello musical do Liceo Mutante) visitan o local de Mollabao os Mesa Camilla.

Velaquí están os horarios!
16.00: Torneo de Ping-Pong
18.00: Concertos no Xardín Mutante: Trilitrate e Suelen Estar Quartet
19.00: Mesa Camilla
19.45: Guerrera
20.30: Telephones Rouges
21.30: Malandrómeda
22.30: Unicornibot
23.30: Antikaraoke

VENDA DE ENTRADAS: Podedes facervos cunha entrada no propio Liceo Mutante, na Pega Moura ou O Gato Gordo.

Guerrera son ao blues galego do século XXI o que Andrés do Barro achegou á música lixeira: paixón e brío, clase e enerxía roqueira. Con membros ilustres da Orquestra Metamovida, venceron e convenceron no seu paso polo Liceo e volverán poñerse a coroa.
http://www.youtube.com/watch?v=Y7jJGXrKeY8&feature=related

Malandrómeda levan xa uns anos enchendo os escenarios só coa desenvoltura, clase e enerxía de Hevi, máis as piruetas electrónicas cheas de risco e ritmo de Caldeirada, facendo bailar a todo o persoal con ese estilo tan difícil de describir dentro do hiphop que poucos poden alcanzar. Hevi xa nos puxo a cen nos comezos do Liceo Mutante e queremos volver mover o bullarengue a base de ben.

http://vimeo.com/30603500
http://www.malandromeda.com/

Trilitrate é unha formación viguesa de música acústica, sofisticada pero directa, pasional pero imbricada, todo un exercicio de técnica, tensión e pracer instrumental. Suelen Estar Quartet asombrou e deixou ao respectable coa boca aberta nunha das noites máis recordadas do Liceo. Ambas as dúas formacións tocarán no xardín e reservan algunha que outra sorpresa para unha tarde/noite de escándalo.

http://trilitrate.bandcamp.com/album/trilitrate http://suelenestarquartet.jimdo.com/

Mesa Camilla son unha formación rocosamente sólida e cargada dunha tensión instrumental e vocal dificilmente describible nunhas liñas. Veñen dende Madrid representando aos Estudos Brazil, a Brama, a La Faena. Resumindo, unha aposta do Liceo Mutante pola elite do underground peninsular.

http://www.youtube.com/watch?v=kR0ZTPh2d2A

Telephones Rouges son unha das bandas máis desenfadadas, divertidas, bromistas e prometedoras da nova xeración de artistas galegos que non deixa de dar que falar en toda a terra coa súa mestura de garage, rock e punk que non permite a ninguén parar a tomar alento. Outra das bandas que asistiu ao parto e nacemento do Liceo e que ocupa un lugar en todos os corazóns Mutantes.
http://telephonesrouges.bandcamp.com/album/radiocontrol-ep

Unicornibot, como banda da casa, exercerán de mestres de cerimonias envoltos en papel de prata e presentarán os últimos avances dunha xira estival que lles está a levar moito máis lonxe do que ninguén podería imaxinar. Un peche ao grande para rematar un aniversario cargado de boas vibracións e diversión xeral para recordar durante moitos anos máis.
http://dotheunicornibot.wordpress.com/ http://dotheunicornibot.bandcamp.com/

Ademais da música o Liceo Mutante estará a programar todo tipo de actividades paralelas tanto dentro do seu local como no seu xardín, incluíndo sesións de antikaraoke, campionato de pinpón (deporte oficial Mutante) e outros xogos, exposicións, proxeccións e toda a diversión que un evento tan notable pode ofrecer.

Metralletas Lecheras no Liceo Mutante

Hai tantos motivos para a celebración colectiva do que vai ser este concerto que non sabemos por onde empezar.

Porque lle puxeron banda sonora ao vídeo da Inauguración do Liceo (http://www.youtube.com/watch?v=tWShYBZPMUk).

Porque son frescos, desenfadados e ceibes, coma as mellores bandas que pasaron pola nosa lareira.

Porque en ML tocan algúns dos personaxes mais queridos no Liceo.

Porque son dun dos colectivos mais molóns e chanantes do país, o Galician Bizarre.

E porque o imos pasar de medo cantando e bailando con eles.

Unha noite de amor comunal e burguers mutantes por só 3 euriños ou 10 con disco (todo para a banda, recorda, para pagar a gasolina).

Comezamos ás 22.00, ven insensato!

Cinema no Xardín: Cabalo de Batalla

O Cineclube de Pontevedra escolle para rematar (temporalmente) a súa colaboración co Liceo Mutante o popular filme Cabalo de Batalla (War Horse, S.Spieberg, USA ,2011, 100′,VOSE)

Nunha vila inglesa, Albert, o fillo dun granxeiro, ve nacer un poldro. Pouco despois, o seu pai adquíreo nunha poxa, e o rapaz ponlle de nome Joey. Pero a familia arruínase e non ten máis remedio que vender o cabalo xusto cando estala a Primeira Guerra Mundial

A proxección será en 35 mm ás 22:30

A entrada é de balde, as portas abriranse ás 21:00

Trailer

Festa Power-Pop! BANG 74 e THE TWIN-SETS no Liceo Mutante!

 Sábado 14 de xullo ás 21.30
Para moitos de nós o norte da Galiza é un terruño raro, cheo de chuvia, xente gris e equipos de futbol de risa.Pero unha vez mais somos presa do localismo e imos ter no Liceo unha interesante demostración: dous grupazos de Powerpop vanche dar dúas horas de bailoteo, brincadeira, ledicia, estrofas e estribillos sen parangón e sen complexos. Toda unha exhibición da arte de mover o cú ao ritmo dos mellores riffs ó norte do Gafos.

Dende Ferrol, unha das mecas do rock sen data de caducidade, abren a comitiva os Bang 74. Con membros de formacións como Flanelon Clash ou Blind River, as súas tablas estarán postas ó servicio das túas cadeiras.

http://lafonoteca.net/grupos/bang-74
http://powerpopaction.blogspot.com.es/2010/04/bang-74-una-apisonadora-en-busca-de.html

Completan o plantel os coruñeses Twin-Sets, que ofrecerán o seu elegante pop cargado de melodías inesquecibles. Dende The Jam ata a Paul Collins Band pasan as súas influencias, e deixarante toda a semana con unhas cantas tonadas na cabeza.

http://thetwin-sets.bandcamp.com/
https://www.facebook.com/thetwinsets

Ven disfrutar dunha noite de mans alzadas e bailes tolos por catro euretes de nada (recorda, integramente para as bandas) no Liceo Mutante.

E recorda, cada vez que chegas tarde a un concerto morre un gatiño! Comezamos ás 21.30!

Obradoiro de animación Stop Motion no Liceo !!!

OBRADOIRO DE ANIMACIÓN STOP MOTION.
23, 24 e 26 de xullo no Liceo Mutante.

Consistirá nunha dinámica achega á técnica do stop motion, técnica que consiste en xerar mediante a sucesión de imaxes fotográficas fixas a ilusión de movemento de
obxectos estáticos. Construiránse pequenas pezas cinematográficas nas que os alumnos serán os artífices totais.

Este obradoiro de iniciación está enfocado para xente de tódalas idades.
Non é preciso ter ningún tipo de experiencia neste campo, polo que animamos a calquera persoa (dende nenos a maiores) interesada no mundo do cine e da arte a descubrir unha nova e excitante canle de expresión.

Experimentaremos coas diversas técnicas que esta disciplina nos permite, facendo de cada sesión unha experiencia nova e orixinal.
A técnica do stop motion permite enfatizar nas diferentes capacidades creativas de cada individuo en función da súa idade e intereses: dende a manipulación de materiais como plastilina, pinturas ou recortables, pasando pola interpretación ata procesos máis técnicos como a guionización, creación de story board, funcionamento das cámaras fotográficas e programas de edición.
Traballaremos con obxectos atopados e con ideas recicladas.
Todo é susceptible de ser animado!

Encargaránse de impartir o curso a ilustradora e animadora Minia Regos (http://minia—main.blogspot.com.es/) e a fotógrafa Belén Veleiro (http://www.flickr.com/photos/belenveleiro/).

Horario:
Luns 23 de xullo: de 11.00 a 13.00 h.
Martes 24 de xullo: de 11.00 a 13.00 h.
Xoves 26 de xullo: de 11.00 a 13.00 e de 17.00 a 19.00 h.

Inscripcións: artes.liceomutante@gmail.com (especificar idade e intereses).
Prezo: 15 euros por persoa.

Prazas limitadas!

Presentación do recopilatorio “Metamovida Vol. I” no Liceo Mutante coa actuación da ORQUESTA METAMOVIDA

“A pura verdade é que ningúen o sabe con seguridade”, contestan algúns dos membros do Colectivo Metamovida. A pregunta era: de onde saiu a idea de formar esta familia?

O certo é que hai uns feitos: amigos de coñecidos varios, todos músicos, xuntos nunha casa de Tomiño nalgún momento do verán para tocarse uns temas e dar unha volta pola aldea, conseguir unhas Estrellas e fotografiarse cun coche en ruinas. Temos os feitos pero falta a causa. O motivo. Todos eles tocan en bandas e xa están liados, pero deciden que vale a pena continuar o que alí se crea, unha canalización de enerxía musical e amor a través da improvisación conducida.

Sen ningunha motivación mais que coincidir, tocar e formar unha congregación a cousa vaise estirando e, como por arte de maxia e, un sinfín de concertos e xuntanzas, grabacións varias e un Verkami (http://www.verkami.com/projects/1469) despois, a couse estase a saír de nai, para rematar nun recopilatorio das bandas implicadas e moitas cousas mais.

Hai moito que celebrar e moito regalo que repartir, así que antes de pasarse o verán festivaleando, a Orquesta Metamovida presentarase no Liceo unha vez mais, esta vez cargada de regalos para os seus amiguiños.

Isto por 3 euriños para gasofa, ou gratis se és do clube.
Se por algunha rara mutación xénica non sabes de que vai a Metamovida, estudia isto:
http://www.metamovida.org/
http://www.metamovida.org/index.php?option=com_content&view=article&id=89&Itemid=241

Longa vida para a Metamovida!

Monica de Nut: Voz Sóa!!!

A voz sóa é a intimidade espida
Non hai onde meterse
Xa non se sabe quen pregunta e quen responde
O son confúndese coa mirada e coa sensación na pel e nas tripas
Logo de cantar en agrupacións grandes,pequenas, clásicas e modernas, musicais,óperas e teatro, necesito descansar meu son en solitario, no meu recuncho íntimo, co único recurso da miña propia voz.
Voz sóa é canto de raíz, primitivo e visceral
Voz sóa é canto lírico, arias de ópera
transmitindo emoción coa emisión limpa e brillante da música clásica
Voz sóa é canto experimental,
a voz tratada con aparellos electrónicos que repiten e modifican o meu son
Xogos, efectos amplificación do concepto vocal, improvisación libre,
intuición,liberdade,imaxinación…voar
Paisaxes sonoros, composicións efímeras, viaxe sensorial
Voz sóa é teatro, o teatro e o canto están unidos,
botar fora o que se leva dentro
Levo unha maleta, unha carga
Hai moitos obstáculos
Pérdome, cánsome, non sei onde ir
Non queda tempo
Habiámonos felicitar pola nosa resistencia
Respirar
Corro coa maleta
Fago ruído, atrono, estou aquí, estou viva
No bar, no teatro, na rúa
A voz soando sóa, a intimidade espida
Non hai onde meterse

http://vimeo.com/33028242
http://www.monicadenut.com/

Non te podes perder este espectáculo por só 5 euros

Navnlaust Mønster Opptog no Liceo!!!

Navnlaust Mønster Opptog é o proxecto colaborativo no que conflúen o incríble batería Morten J. Olsen e o artista sonoro Rubén Patiño
Mistura de sons acústicos e outros xerados por computador, é unha proposta que explora as fronteiras das estruturas repetitivas e a espacialización do son

Rubén Patiño, tamén coñecido como Pato,orixinario de Barcelona traballa no campo da computer music, unha actividade que combina con incursións eventuais no campo de instalación. As obras de Patiño están caracterizadas por un estilo compositivo algorítmico que é tanto irreverente coma hiperenérxico. El actuou so a través de toda Europa, así como colaborou con Roc Jiménez de Cisneros, Olivier Di Placido e Seiji Morimoto entre outros.

http://www.patooo.net/

Residente en Berlín, ex-Amsterdammer e noruegués no exilio, Morten J. Olsen é un músico, compositor e improvisador máis coñecido polo seu traballo como explosivo batería en bandazas como MoHa! e Ultralyd. El traballa cunha paleta sónica que abrangue a historia da percusión orquestral, a electrónica ou o rock.
Algúns do seus proxectos e colaboradores pasados e presentes: MoHa!, Ultralyd, The Pitch, Bass Love, The New Silence, Subroutine, Splitter Orchester, Thomas Dybdahl and Nina Nielsen.

http://www.n-collective.com/archive/index.cgi?article=2&dept=people

A entrada a tan magno evento só custa 4 euros