Pi Graos no Liceo Mutante!!!

Sábado 29 ás 21:30

Chega o outono e o Liceo non para de acoller propostas de tódolos estilos e andanzas.

Esta vez volta o jazz ao noso templo de man dos vigueses Pi Graos, que nos deleitarán co seu estilo e clase. Será unha noite de moita negritude!

Recorda que é un evento só para socios (É gratuito e podes facelo a entrada), e que a banda solicita un donativo de 4 euros ;)

Esperámosvos!

Hexis + This Gisf is a Curse no Liceo!!!

Venres 28 de setembro ás 21:00

Noite de tralla escandinava no Liceo Mutante este venres …

HEXIS veñen dende Copenhague despóis de xirar con bandas coma Celeste ou The Secret, e coa actitude hardcore encáranse ao black metal ou o noisecore máis demencial, cunha técnica e brutalidade inspirada en bandas coma Breach ou Converge.

http://hexisband.bandcamp.com/

https://www.facebook.com/Hexisband
http://hexis.bigcartel.com/

THIS GIFT IS A CURSE son de Estocolmo e levan nas venas a clase coa que as xentes de alí practican todo tipo de músicas extremas. No seu caso encontramos un variado compendio de influencias que abarcan dende o hardcore noise aberrante tipo Shora ou Today Is The Day, cun pé no sludge e no doom e outro no black metal.

http://thisgiftisacurse.bandcamp.com/
https://www.facebook.com/pages/This-Gift-is-A-Curse
http://thisgiftisacurse.bigcartel.com/

En fin, que se queredes ver o que se coce a niveis de música extrema nos países nórdicos, este venres 28 no Liceo Mutante encontraredes razóns de máis para quedar saciados. Todo isto por 4 € de donativo que irá directamente para financiar aos grupos. Coma sempre, ofreceremos viandas líquidas e sólidas a precios populares.

I Ciclo de cinema de Terror: Oriental

Mércores 26 de setembro ás 20:00

Para rematar este primeiro ciclo de terror iremos ate as filmografías do lontano oriente cunha suculenta DOBRE SESIÓN máis cruda que o melhor sushi, e igual de saborosa.
Comezaremos o festín puntuais para poder reposar estes nutridos platos, comezando coas novidades da cociña oriental…

Hora:20:00
1º I SAW the DEVIL (2010)

http://www.youtube.com/watch?v=tkwEFKdTckk
http://en.wikipedia.org/wiki/I_Saw_the_Devil

Vibrante thiller sobre un psicópata con predilección pola tortura de moziñas xunto a unha trama de venganzas desencadeadas cando este decide asasinar á filla dun dos policias coreanos.
Exitoso filme marcado pola estela de Memories of Murder e có toque sanguinolento de Saw.

Hora:22:15
2º AUDITION (1999)
http://www.youtube.com/watch?v=yhsrsWcEspc
http://en.wikipedia.org/wiki/Audition_%28film%29

Primeiro filme de éxito entre público e crítica do prolífico director xaponés Takashi Miike, que pode soar por titulos coma Ichii,the Killer.
As súas esceas están tildadas dun hiperrealismo que xera un absurdo no día a día dos seus persoaxes. Unha violencia social que se canaliza nunha violencia física extrema, logo dun longo prólogo fílmico camuflado de costumbrismo xaponés.
Un clásico contemporáneo ineludible para todo bo amante do cine oriental.

Entrada de balde

Huata no Liceo Mutante!!

Domingo 23 de setembro ás 21:00

Huata veñen dende Rennes dispostos a facer tremer as paredes do Liceo a base do seu doom influenciado por Electric Wizard, Ramesses, Sunn O))) e por suposto a sombra de Black Sabbath sobrevoando constantemente. Riffs pesadísimos, drones, música para un culto ocultista e hermético de domingo!

http://huata.bandcamp.com/

4 € de donativo que irán para financiar íntegramente á banda. Vence a preguiza e ven a apoiar a música en directo en días fóra da norma establecida!

Ben Salter + Querido Extraño no Liceo!!

Sábado 22 de setembro ás 21:00

O australiano Ben Salter chega ao Liceo gracias a Gog Artifacts e precedido pola boísima recepción subterránea que o seu último disco, o marabilloso “The Cat” producido por Gareth Liddiard (Líder de The Drones), unha colección de xoias pop/rock/folk gravadas cun gusto impecable, unha voz privilexiada que deixan ben claro o talento compositivo do de Melbourne.

Podedes escoitar “The Cat” aquí: http://bensaltermusic.bandcamp.com/album/the-cat-album

http://www.bensalter.com.au/

Estará moi ben acompañado por Querido Extraño, proxecto en solitario de Arturo (Flip Corale, Villanos de Boraville) , que armado da súa guitarra e voz repasa temas propios e versións:

http://www.myspace.com/queridoextrano

http://www.youtube.com/watch?v=ZBXjO3tu1Zo

Soamente por 4 € de donativo que irán para os músicos íntegramente.

Sunflre + Durarará no Liceo Mutante!!

Venres 21 de setembro ás 21:00

Este venres o Liceo vístese de gala para celebrar unha velada rebosante de electricidade estática.

Os lisboetas Sunflare enfocan o rock máis arriscado dende unha actitude punk que fai posible as progresións de torrentes de ruido nas que consisten as súas pezas. Buscade similitudes con Mugstar,Fushitsusha, Comets On Fire ou Unicornibot

http://www.myspace.com/sunflarefuzz

http://soundcloud.com/sunflaresound

Dende Vigo chegan Durarará, un trío formado por xente de Guerrera, Clover ou Buogh! que darán outra dose do seu power pop con un pé na experimentación noise.

http://durarara.bandcamp.com/
http://www.myspace.com/durararaband

Todo isto por 4 € de donativo na entrada que vai destinada íntegramente aos grupos.

I Ciclo de Cinema de Terror no Liceo Mutante

Mércores 19 de stembro ás 20:00

Logo de dúas terroríficas sesións xa tocaba algo de comedia para amenizar tanta sangue, e por iso cun toque de humor negro imos pimentar con…

Hora:20:00
1º DELLAMORTE DELLAMORE (1994)
http://en.wikipedia.org/wiki/Cemetery_Man
http://www.imdb.com/title/tt0109592/

Todo un clásico italiano que conseguiu prestixiar có tempo esta peculiar mistura entre terror e comedia romántica.
E todo iso cun guión extraordinario basado na novela de Tiziano Sclavi repleto de escenas delirantes, un fino humor negro, extravagancias, un protagonista inolvidable, zombis, sangre, sexo e porsuposto o amor e a morte.

Hora:22:00
2º RUBBER (2010)
http://www.rubberthemovie.com/

Orixinal filme que sorprendeu polo seus disparatado argumento de partida así coma a súa factura a altura dos mellores festivais polos que foi cosechando adeptos.
Dende logo non te deixara indiferente o toque Troma no seu humor absurdo.

Entrada de balde

Disquefesta no Liceo!!

Sábado 15 de setembro ás 16:00

O portal Disquecool delebra a súa Disquefesta de “aniversario e uns meses”  no Liceo Mutante
Arte Postal, intervencións con lá, olimpiadas “modernas”, retos de escritura, obradoiros para crianzas, xuntanza de ukelelistas e un montón de actividades máis nunha tarde-noite chea de diversión e agasallos. Ademais á noitiña, como non podía ser doutro xeito, haberá concertos. Actuarán Os amigos dos Músicos:   http://osamigosdosmusicos.bandcamp.com/  e Santos Morcegos:   http://santosmorcegos.bandcamp.com/. Despois deles haberá djs convidados.

Por 2 euros, participa nas actividades, asiste aos concertos e ademais leva unha chapa!

Por 6 euros, participa nas actividades, asiste aos concertos, leva unha chapa e ademais faite coa nova edición limitadísima da xa famosa bolsa de Disquecool.

Toda a información:

http://www.disquecool.com/2012/09/03/10-razons-polas-que-non-debes-faltar-a-disquefesta/

 

Tucán no Liceo!!

Venres 14 de setembro, ás 21:30

Dende a terra das paellas, o bakalao e os Fabra chegan Tucán ao Liceo para poñernos a todos a bailar.
Teñen a mirada posta nos Battles, Liars, Trans Am, Arab on Radar ou Gang of Four.
Veñen presentar o seu traballo Empatitis gravado por Javier Ortiz nos xa míticos Estudios Brazil.
Din deles que fan punk de 16 bits e que soan como si lle puxeras un pedal de distorsión á Supernintendo.

Podes escoitalos aquí http://tucan.bandcamp.com/

O donativo para o cubrir os gastos do grupo será de catro euros.

Ciclo de cinema de terror no Liceo Mutante

 

Martes 11 de setembro ás 20:00

Dende os máis escuros recodos da filmografía de terror e sci-fi continuamos a pincelar nas vindeiras semanas este escabroso mundo.

Para iso contamos cunha DOBRE SESIÓN cada unha das xornadas adicada a un tipo de terror dentro de todo o que cabe nesta fosa sen fondo cinematográfico onde todo ten cabida, especialmente o que non o ten en ningún outro sitio.

Para non perdernos entre tanto medo.agora dámoslle oco aos nosos queridos psicópatas e as súas extravagantes formas de asasinar…
Toca un chisco de chumichurri GORE!!!

Hora:20:00
1º CALVARIE (2004)

http://en.wikipedia.org/wiki/Calvaire_%28film%29

Filme de orixe francófona, un área que está sorprendendo e moito ao público máis selecto dentro do xénero do terror ao perfilar mundos dunha opresión existencial acompañadas de brutais esceas cheas do mellor gore.

Dende logo un mundo o do terror europeo que espero exploremos entre todos proximamente…

Hora:22:00
2º TETSUO (1989)

http://en.wikipedia.org/wiki/Tetsuo:_The_Iron_Man

Pese a ser de orixe oriental, a predilección persoal por esta xoia bizarra e a súa relevancia no gore fixeron que entrase por méritos propios na listaxe final.Obra mestra resultado visible da teses do colapso existencial na sociedade contemporánea hiperindustrializada…

Un paseo dende as entrañas do gore xaponés máis experimental e cheo de referencias!

Entrada de balde, claro