Noite de Samaín no Liceo Mutante: Sork (Suecia) en concerto

Mércores 31 de outubro ás 21:00

Dende a terra de deseño e de Henrik Larsson veñen Sork ata o Liceo para facernos pasar a mellor noite de Samaín xamais contada.
Sork son un trío formado por Pontus, Helena e Magdalena; armadas con batería, baixo, samplers, sintetizador,estilófono e trombón facturan un fiero, frenético e danzón post-punk que nos pode lembrar ás vellas bandas británicas como os Dog Faced Hermans ou ás nosas grandes amigas Candelilla coas comparten querencia polos sons e actitude Riot grrrl.

http://surplusrecordings.se/artists/sork/

Escoitaas aquí: http://soundcloud.com/sorksweden

Só por catro euros de axuda para cubrir os desplazamentos da banda

Convocatoria aberta para GRAPA GRAPA (I Xornadas Mutantes de Autoedición)

Plástica Mutante, o brazo gráfico-artístico do pontevedrés Liceo Mutante, comprácese en presentar e convocar as I Xornadas de Autoedición GRAPA GRAPA, a celebrar no mesmo lugar os días 21 e 22 de decembro de 2012.
Fainos especial ilusión organizar un evento destas características en Pontevedra, a nosa cidade, á que levamos xa un tempo tratando de insuflar algo de aire novo e esperanzador dende o Liceo.
O obxectivo das xornadas non é outro que facer da nosa casa e durante un par de días o punto de encontro do inframundo daquelas publicacións que, por kamikazes, absurdas, extremas, honestas, arriscadas e refrescantes, non verían xamáis a luz de non ser pola vontade férrea de quen se empeña en sacalas adiante por conta propia.
Dentro das actividades previstas están o clásico mercadiño de fanzines e derivados, as clásicas mesas redondas, as clásicas charlas, os clásicos obradoiros e os clásicos concertos. Todo moi fresco, iso si.
Así que con tal motivo invocámosvos, oh, tronados espíritus que debuxades, escribides, tocades, recortades e pegades, que volo guisades e volo comedes. Hai un sitio para vós na nosa reunión máxica e submundana. A nosa intención é a de darvos aloxamento a tantos coma nos sexa posible, tendo preferencia os que se despracen dende terras máis remotas.Para participar só tedes que nos escribir un mail antes do 15 de novembro a artes.liceomutante@gmail.com e adxuntar un PDF contándonos o que facedes, por que vos gustaría vir e que material traeriades. Acompañádeo, segundo a natureza dos vosos proxectos, de textos, imaxes ou calquera outro material que nos poida axudar a facérmonos unha idea o máis exacta posible do voso traballo. Non vos esquezades de indicar tamén a vosa procedencia.

Agardámosvos con ilusión.
 
Plástica Mutante, el brazo gráfico-artístico del pontevedrés Liceo Mutante, se complace en presentar y convocar las I Jornadas de Autoedición GRAPA GRAPA, a celebrar en el mismo lugar los días 21 y 22 de diciembre de 2012.
Nos hace especial ilusión organizar un evento de estas características en Pontevedra, nuestra ciudad, a la que llevamos ya un tiempo tratando de insuflar algo de aire nuevo y esperanzador desde el Liceo.
El objetivo de estas jornadas no es otro que hacer de nuestra casa y durante un par de días el punto de encuentro del inframundo de aquellas publicaciones que, por kamikazes, absurdas, extremas, honestas, arriesgadas y refrescantes, no verían jamás la luz de no ser por la voluntad férrea de quien se empeña en sacarlas adelante por cuenta propia.
Dentro de las actividades previstas están el clásico mercadillo de fanzines y derivados, las clásicas mesas redondas, las clásicas charlas, los clásicos talleres y los clásicos conciertos. Todo muy fresco, eso sí.
Así que con tal motivo os invocamos, oh, tronados espíritus que dibujáis, escribís, tocáis, recortáis y pegáis, que os lo guisáis y os lo coméis. Hay un sitio para vosotros en nuestra reunión mágica y submundana. Nuestra intención es la de daros alojamiento a tantos como nos sea posible, teniendo preferencia los que se desplacen desde tierras más remotas.
 
Para participar sólo tenéis que escribirnos un mail antes del 15 de noviembre artes.liceomutante@gmail.com y adjuntar un PDF contándonos lo que hacéis, por qué os gustaría venir y qué material traeríais, acompañado, según la naturaleza de vuestros proyectos, de textos, imágenes o cualquier otro material que nos ayude a tener una idea lo más exacta posible de vuestro trabajo. No os olvidéis de indicar vuestra procedencia.
 
Os esperamos con ilusión.

Api Uiz + Arnaud Riviere+ Alexandre Losada!!

Domingo 28 de outubro ás 20.30

Os Api Uiz son bailongos. Son excesivos e radicais. E son simpáticos e saltaríns e hipnóticos como unha bola saltarina daquelas. Practican un deporte de risco musical entre o noise , o mathrock , o punk e a música africana do que non poderás saír ileso. Creadores do ínclito selo discográfico e plataforma “Les Potages Natures”, e unha das bandas favoritas de The Ex.
Vanche deixar lelo.
Os seus discos:
http://www.lespotagersnatures.org/spip.php?article9
http://www.lespotagersnatures.org/spip.php?article31
http://www.lespotagersnatures.org/spip.php?article17
http://www.lespotagersnatures.org/spip.php?article1
http://grooveshark.com/#!/artist/Api+Uiz/1843346

Veñen acompañados por Arnaud Riviere, artista da máquina e o ruído, colaborador de xente como Otomo Yoshihide, Sophie Agnel, Xavier Charles ou a Nihilism Spasm Band. Un crack que non vos podedes perder.
http://http.http.http.http.free.fr/

A marca da casa esta vez ven por parte de Alexandre Losada, ilustre barbudo mutante, o mellor representante da vangarda que temos por aquí, e habitante de honra dos nosos corazóns.

Todo isto por catro míseros euros (como donativo para que as bandas paguen a gasofa) que ías gastar nun xelado de diseño guai deses.
Ás 20.30h, con amor comezamos.

Noite Extrema no Liceo !!!!!!

Sábado 27 de outubro ás 20.30

Apresentámovos unha verdadeira noite de profanación na honra dos deuses escuros.
Que se prepare a cidade do Lerez para a sacrílega embestida auditiva que agarda dar benvida a Samain.
Nunha noite en acordes de black metal galaico…
XERION
http://www.otronodexerion.com/
Tras dun longo periplo ás costas é innegable o seu merecido lugar na escea e porsuposto, sempre é un mérito que se honre a Satán na lingua de Breogán.
BALMOG
http://www.metal-archives.com/bands/Balmog/77079
Semella que os ecos fantasmais do castelo de Soutomaior nutren a música deste ben coñecido trio de cabaleiros das hordas infernais. Daránvos un bo ritual
NEFASTU
http://www.metal-archives.com/bands/Nefastu/3540342685
Chegados dende a beira irmán, de Porto. Unha banda moi nova pero que soa firmes e contundentes.
Os incautos neofitos que desexen participar do ritual lembren que a cita é as 20.30h.!
Donativo de 4 euros para os mestres da cerimonia.

Mano de Obra + Primrose!!

Venres 26 de outubro ás 21:00

Na nosa robótica e apocalíptica conciencia do ano da fin do mundo, sabiamos que Mano de Obra habían de voltar ao Liceo, pero quedaba concretar a data. Tiñamos a imaxe dos tres mensaxeiros do futuro envestidos na súa roupa de traballo, deleitándonos coa súa doce cantinela mecánica, ferramenta do pop retorcido e sufocante, pero faltaba poñer unha cita e acudir en masa.
Agora xa podemos facelo porque vannos vir visitar o próximo 26 de outubro no Liceo.
Escoita a súa palabra:
http://manodeobra.bandcamp.com/
http://www.myspace.com/manosdeobra
Farano acompañados polos tamén coruñentos Primrose, dirixidos e ensamblados por Roberto Casteleiro (Koroiev), para completar unha velada inesquecible.
http://primrose.bandcamp.com/
Isto por catro euros de merda de donativo, para sufragar a viaxe supersónica das bandas e que poidan tocar para ti, gratis para mutantes.
Ás 21.00 según a hora oficial e polo tanto á que empeza o concerto.

Luns 22 e xoves 25 ás 19:30: Sesión Pilates/Estiramentos/Relaxación!

Clases de 1 hora de duración nas que as fisioterapeutas Raquel Martínez Cordeiro e María Álvarez Fernández darán unha Master Class de iniciación ó Pilates así coma exercicios de estiramentos globais e relaxación (para calmar os espíritos inquedos de tódolos mutantes).
O material necesario para as clases:
1. Unha esterilla por persoa
2. Roupa cómoda (de deporte, con calcetíns gordiños e algo de abrigo para a relaxación que nos axude a soportar as extremas temperaturas do noso amado local social)
3. Puntualidade
Será repartido en dúas sesións co módico prezo de 5 € cada unha. Se a alguén lle sobra algunha esterilla pola casa estaría ben que a trouxera por se a necesitara outra persoa.

O gran Fajardo está de volta no Liceo!!!

Sábado 20 de outubro ás 21:30

Non nos desagradaría nada poder establecer unha tradición con José Antonio. Coa chegada do outono queremos ter sempre por aquí ao cantautor canario, alimentando os corazóns para unha tempada invernal emocionante.

Quen estivese na súa primeira visita ou poidese velo nalgunha das súas xiras sabe a que nos referimos: un estilo único, unha voz inesquecible e sobrecolledora, e un ser humano de primeira categoría.

Se non o coñeces, bótalle unha escoita e flipa:
http://fajardomusica.bandcamp.com/

Desfrutaremos todos da súa presencia o sábado 20, por só catro euros de donativo para o transporte, gratis para mutantes.

Will Spector y los Fatus no Liceo Mutante!!

Venres 19 de outubro ás 21:30


Sen palabras, amigos!
Un aluvión de festa e rockanrol está por chegar ao Liceo.
Chega dende Barcelona esta banda desenfadada e desenfrenada lista para darnos unha noite inesquecible.

http://willspectorylosfatus.bandcamp.com/

Presentarán o seu primeiro álbum, que promete moita caña.

A disfrutar! Só por 3 euros de donativo para paga-la nave espacial dos músicos, gratis para mutantes!

Puntualidade amigos!

Días Rariños Fest pt. 2 Candelilla + O.M. redux !!!1

Mércores 17 de outubro ás 21:00

No segundo día da primeira edición do Días Rariños Fest…

Recén chegadas de gravar o seu novo disco co celebérrimo Steve Albini, a banda formada integramente por mulleres Candelilla ven presentar as súas últimas e brillantes creacións en directo. As de Munich facturan unha música nutrida dun post-punk tipo Sonic Youth ben mollado dunha rabia cruda con máis dun pé no riot grrrrl.

Botádelle unha oída e quedade prendados!:

http://candelilla.bandcamp.com/
http://www.candelilla.de/
http://www.youtube.com/watch?v=0CSeMz85djI&feature=plcp
http://www.youtube.com/watch?v=qj43saXKVIA
http://www.youtube.com/watch?v=P5ILBU7rnuE

OM Redux é a miniaturización da Orquesta Metamovida, improvisación conducida neste caso co desafío de reducir drasticamente o seu número de compoñentes

http://www.metamovida.org/

Todo isto por un prezo simbólico de 4 euros que coma sabedes van destinados integramente para as bandas, así que ven a apoiar a música en directo se queres que continúe existindo!

 

Dias Rariños Fest pt.1 Staer + Dios Pentágono !!!

 

 

Martes, 16 de outubro ás 21:00:  Primeira parada no Días Rariños Fest…

Dende Stavanger (Noruega) chega a arriscada proposta de STAER, con excompoñentes de MoHa!, Ultralyd ou Noxagt e unha sorte de variación máis pesada destes últimos, varias xiras europeas as súas costas con bandas coma Zu ou Child Abuse e uns directos aplastantes aválanlles:

http://www.mozartkebab.com/

http://www.myspace.com/staermusic

http://discorporate.bandcamp.com/album/staer-staer

Audio:
Soundcloud, 2 temas do seu primeiro disco en Gaffer Records.

“Sex Varnish” tambén do seu primeiro album:

Estarán acompañados da formación local Dios Pentágono, que cunha formación cambiante viaxan a través do terreno da improvisación libre nun contexto de rock experimental.

Todo isto por só 4 € que irán destinados ás arcas do grupo foráneo para facer que propostas coma esta poidan seguir chegando ao Liceo!