The Hipshakers + Thee Blind Crows!

Venres 30 ás 21:00

Unha nova dobre dose de garaxe no Liceo para este venres.

THE HIPSHAKERS veñen dende Gondomar, Oporto. A súa misión nesta vida consiste en sachar as beiras do Douro a base de guitarrazos para construir un delta dende o que tocar, mirando cara o Atlántico, o seu rock manchado de blues, suor e por veces de surf.
http://soundcloud.com/thehipshakers
http://www.youtube.com/watch?v=2vspui4ubjc

Que mellores anfitrións que Thee Blind Crows, demasiado punk para ser blues e demasiado blues para ser punk, cun directo tan graxento e tan contundente que faría vomitar ó mesmo John Rambo se se puxera por diante. Se non os coñeces, pregúntalle ós teus colegas, a ver que che din.

http://www.myspace.com/theeblindcrows
http://www.youtube.com/watch?v=JFf3M4cbNAM&feature=relmfu

Só por unha axuda de catro leuros que irán destinados integramente a cubrir os gastos das bandas

Cineclube do Liceo Mutante: Gatos Pendurados + Xa que se vos di que é posible

 

 

Mércores 28 ás 21:00

Remata novembro e con el o pequeno ciclo adicado a Chris Marker.
Para concluir proxectaremos dúas pezas do director francés

Gatos Pendurados (Chats Perchés, Chris Marker, Franza, 2004, VOS, 57′)

“Pouco tempo despois do choque de Setembro de 2001, velaí que aparecen, nos tellados de París, uns gatos. Cun grafismo simple e de feitura perfeita, que resalta sobre a virtuosidade, por veces enleada, dos grafittis, levan con fachenda un amplo sorriso. Así que alguén, á noite, arrisca romper o pescozo por facer pairar unha mensaxe de bondade sobre esta cidade que tanta falta ten. Este filme constrúese seguindo a pista dos Gatos Sorrintes, de sorpresa en sorpresa”
Chris Marker

Xa que se vos dí que é posible (Puisqu’on vous dit que c’est possible, Chris Marker, Franza, 1973, 47′, VOS)
Documenta a folga sostida polos traballadores da fábrica de reloxes Lip

Non teñades medo do frío que agora temos estufas!!!!!

A entrada é de balde

Above the tree & E- Side no Liceo Mutante

Domingo 25 de novembro ás 21.30

O italiano Marco Bernacchia retorna co seu proxecto Above The Tree por terras galegas esta vez acompañado por E-Side (Matteo Sideri) que aportará electrónica e percusión ao particular mundo musical de Bernacchia, que respira ritmos do blues do Delta, África e a música popular americana a través do seu lisérxico prisma avant-garde e atmosférico.

http://above-and-e-side.bandcamp.com/

http://abovethetree1.bandcamp.com/

https://www.facebook.com/abovethetree.andeside?ref=ts&fref=ts

https://www.youtube.com/watch?v=igbdaEnx3y0

Todo isto por catro euriños de donativo que irán íntegros para os artistas.

Willis Dummond no Liceo!

Sábado 24 de novembro ás 21.30

Si, amigos. Estarán no Liceo.

Coa mesma dificultade que temos para ubicalos no mapa (falamos de catro músicos vascos dalgún lugar ao norte de Irún) temos que definir a súa música: unha mestura de alto nivel entre a etiqueta Dischord e o son rockeiro de Motorhead, entre ACDC e At The Drive-In bailas as enormes cancións dos Willis Drummond nacen, crecen e morren no escenario deixándonos sen respiración.

Integrados na plataforma de autoedición con mais renome da península (Bide Huts, onde conviven con bandas

coma Lisabö, Anari, etc), veñen a presentar o seu xa terceiro álbum, que temos moita codicia por escoitar e desfrutar.

Escoita os seus discos no seu bandcamp: http://willisdrummond.bandcamp.com/
Bótalle un ollo ao seu directo: http://www.youtube.com/watch?v=MMmepL_NV0A

E despois xa nos dirás se ves ou non!

Isto por cinco paveques de donativo para a banda, que non é para nós rapaz!
A tope!

Cineclube do Liceo Mutante: A Tumba de Alexandre

       
Mércores 21 ás 21:00
Voltamos á nosa programación adicada a Chris Marker
Nesta semana proxectaremos A tumba de Alexandre ((Le tombeau d’Alexandre, Chris Marker, Franza, 1992, 120′, VOS)

Neste filme Marker, a través de seis cartas reconstrúe a biografía de Aleksandr Medvedkin, director soviético creador dun proxecto de cinema popular coñecido como cine-tren. A través da vida de Medvedkin e o emprego de imaxes do pasado, Marker traza un percorrido pola historia individual, a propia historia do cinema e a historia da Unión Soviét

ica.

Artigo de David Rodríguez sobre o filme no seu blogue O Funambulista Coxo:
http://ofunambulistacoxo.blogspot.com.es/2012/07/homenaxe-chris-marker.html

A entrada coma sempre é de balde

Caldo de Cultivo + PDA no Liceo!

Sábado 17 ás 21:00
Rock.Duro, sucio, básico, o de toda a vida, xenuíno, simplemente rock.
É a aposta de Caldo de Cultivo, que se presentarán en “sucidade” no noso querido Liceo.
E saben o que conseguen, ex-membros de Los Cafres ou Los Motores, o bo facer e a diversión está garantida.
Estarán a presentar o que será o seu primeiro disco, o cal podes adquirir xunto coa entrada por tan só 5 €.
Estarán acompañados de PDA, que volven ao Liceo despois dun pequeno letargo produtivo do que seguramente teremos noticias proximamente.
Por 3 euros da risa, 5 € co cd de Caldo de cultivo.

Michel Henritzi no Liceo Mutante!!!!!

Venres 16 de novembro ás 21.30
Despois de deixarnos coa boca aberta fai un ano no Liceo acompañanado por Rinji Fukuoka, volve visitarnos Michel Henritzi, desta vez en solitario.
O improvisador francés Michel Henritzi (guitarra e lapsteel) leva case tres décadas a explorar e deconstruír a American Primitive Music, implicado en diferentes proxectos musicais como Dustbreeders ou Howlin’ Ghost Proletarians. Colaborador de Bruce Russell,Mattin, Taku Unami, Taku Sugimoto,Toshimaru Nakamura, Hijokaidan ou a Nihilist Spasm Band e experto coñe
cedor da música nipona. Figura moi activa da experimentación sonora francesa, director dos selos A Bruit Secret e Turtle´s Dreams, así como colaborador dos magazines Revue&Corrigée e Sound Projector. Dende os anos oitenta estivo involucrado en proxectos industriais e ruidistas como NOX e Howlin’ Ghost Proletarians, nos que manipulaba guitarras e cintas magnéticas. Máis tarde, o seu traballo como músico estivo moi ligado aos intimidantes Dustbreeders, unha brutal banda baseada nas posibilidades do feedback como medio de agresión na que tan só se empregaban xiradiscos conectados a altofalantes e misturados coas posibilidades da instalación sonora e da performance. A súa actual faciana en solitario, como sempre nel moi baseada na improvisación, expresase a través da guitarra eléctrica e o lapsteel, amosándonos o seu lado máis introspectivo e melancólico. Ademáis dunha coidada utilización do silencio, a música de Michel Henritzi posúe unha moi intensa pero elegante carga emotiva, ás veces opresiva na súa descripción de paisaxes solitarios e sombríos nunha viaxe que nos leva do blues abstracto ao ruído.http://michelhenritzi.canalblog.com/
http://soundcloud.com/michel-henritzi
http://vimeo.com/33939028
http://www.dailymotion.com/video/x6fevb_michel-henritzi-kumiko-karino-walki_music
http://www.youtube.com/watch?v=omwE2Ihb_-4
http://www.youtube.com/watch?v=omwE2Ihb_-4
http://www.youtube.com/watch?v=HEY9qk16vH4Concerto imperdible por unha axuda de só 4 euros destinados integramente a cubrir os gastos de Michel.

A.C. LICEO MUTANTE COA FOLGA XERAL!!!!!!!!

A.C. Liceo Mutante coa folga xeral!!
O Liceo Mutante e os seus membros fan parte da maioría social que está a sufrir as devastadoras consecuencias da crise capitalista. Como asociación cultural que participa e incide na vida da nosa vila non podemos deixar de secundar e apoiar a folga xeral do vindeiro día 14 de novembro.
Estannos a condenar á miseria e á emigración forzosa. Cunha taxa de paro superior ao 20%, non podemos agardar máis.
Dinnos que non hai cartos para a xente pero sí os hai para rescatar aos bancos.
Están a desaloxar ás familias sen recursos das súas casas mentres os directivos das empresas cobran xubilacións millonarias.
Os recortes do Capital non se deteñen, atacan directamente á sanidade e ao ensino públicos. Continúan as agresións indisimuladas á clase traballadora que segue a sufrir as nefastas consecuencias da última reforma laboral. Coma sempre, os máis perxudicados son aqueles que menos teñen.
Contra isto, a folga é unha das ferramentas que temos para fuxir da vida que nos queren impoñer.
Rebelión, desobediencia, insubmisión e creatividade son ás nosas armas.
Queremos unha vida digna de ser vivida!
Avante coa folga xeral!”

Cineclube do Liceo mutante: Proxección para unha Folga Xeral

O Cineclube do Liceo Mutante únese á folga xeral do vindeiro día 14.
Este martes organizamos unha pequena proxección a prol da folga na que veremos estas tres pezas:

-Deica logo, espero (A beintot j’espere, Chris Marker e Mario Marret, Francia, 1968, 43′, VOS)
À bientot, j’espere é un documental francés que relata os feitos acontecidos na folga de 1967 na fábrica téxtil Rhodiaceta de Besançon, a través das testemuñas dos obreiros sobre as súas condicións laborais. As reivindicacións non viran só respecto

á problemática concreta da empresa, senón que tamén é abordado o modo de vida da clase obreira en termos xerais.
Tirado de http://praquenosdevolvan.blogaliza.org/

-A volta ao traballo nas Fábricas Wonder (La reprise du travail aux usines Wonder, Jacques Willemont,Francia, 1968 10′ VOSG)
“Por un lado, tal e como explicaba Guy Debord, se antes a sociedade do espectáculo facía promesas e afirmaba que “o que aparece é bo, o que é bo aparece”,a partir das loitas do ano 68 o mundo enteiro limítase a anunciar simplemente que “as cousas son así”. O mesmo fenómeno nihilista das “maiorías silenciosas”, analizado por Baudrillard nos anos 70, é síntoma desa profunda crise da representación, do vínculo entre gobernante e gobernado. Por outro lado, o espírito de Maio persiste nas súas “vidas posteriores”, é dicir, na busca de distintas vías de actualización da experiencia de organización, expresión e comunicación directa. Como explica Jean-Henri Roger, moitos dos cineastas afectados por Maio negáronse, como a obreira que protagoniza La reprise du travail aux usines Wonder, a volver á fábrica e facer películas como antes, seguiron preguntándose por onde pasaba a fidelidade a Maio e como podería actualizarse en condicións diferente”.
Tirado de -Cine y Mayo del 68, ¿Qué vuelve política una imagen?- de Amador Fernández Savater e David Cortés.

-Folga Xeral (Xan Viñas e Pablo Cayuela, 2012, Galicia, 13′ VO)
O vídeo foi armado a partir de fragmentos de filmes proxectados en datas recentes, na súa meirande parte, no Cineclube de Compostela. É, apenas, un agasallo para o Cineclube, a reunión dos filmes e personaxes que nos aprenderon, dalgún xeito, a pensar unha folga xeral:
P.C. e X.G.V.
https://vimeo.com/39447203

A entrada é de balde

Magosto + Telephones Rouges presentan “Disenso” + Sr. Anido!!!!!

Chegou a hora de que Telephones Rouges presenten o seu primeiro LP “Disenso” en directo. Será nun dos lugares favoritos do grupo, o Liceo Mutante de Pontevedra, onde sempre tan bo ambiente se respira.

“Disenso” está editado polos selo catalán Mama Vynila Records e polo selo galego Matapadre. O pasado 15 de outubro publicouse o disco vía bandcamp para a súa escoita, e de momento ten unha recepción bastante positiva. O grupo está moi contento co resultado da produción, xa que reflicte a esencia do son do gr

upo mellor q nunca.http://telephonesrouges.bandcamp.com/

Neste concerto poderase adquirir por primeira vez na man a edición en vinilo de “Disenso”, cun precioso artwork realizado pola artista viguesa Begoña García.

A súa música é unha humilde forma de rebelión sonora nos tempos crudos que corren. Precísase máis que nunca de manifestacións artísticas contestatarias de todo tipo.

Animamos a que acudades a este concerto, que terá o asequible prezo de 4 €. Sabemos que é a hora de cear, pero no Liceo dan cea barata, ademais de bebida barata, así q o bolsillo non invita a ser unha excusa :D

Tocará tamén o Sr.Anido. A súa peculiar forma de facer música el só con loops e letras delirantes xa é ben coñecida no público galego. Non deixa indiferente á audiencia nos seus concertos. O seu universo particular sempre trae novas sorpresas coa evolución do seu repertorio.

http://sranido.bandcamp.com/album/sr-anido-16

ATENTOS, haberá un espectacular MAGOSTO MUTANTE pola tarde nas horas previas ao concerto se o tempo o permite