Grapa Grapa! I Xornadas Mutantes de Autoedición

O Liceo Mutante abrirá as súas portas os vindeiros 21 e 22 de decembro para celebrar o GRAPA GRAPA, as súas primeiras xornadas de autoedición. O evento nace coa intención de facer de Pontevedra o punto de encontro dunha mistura heteroxénea de artistas de diversa procedencia que teñen como denominador común a proximidade das súas propostas a unha ética do Faino Ti Mesmo, alonxada dos procesos e canles máis habituais e comerciais de edición e distribución.
Teñen sitio aquí, polo tanto, unha chea de publicacións que -por arriscadas, kamikazes, honestas, absurdas, extremas e refrescantes- non o teñen nin aspiran a telo en ningún dos mausoleos culturais oficiais que agonizan ó longo da xeografía galega.
Dende Berlín, Barcelona, Tenerife, Madrid, Oporto, Asturias, A Coruña, Compostela, Vigo e Ourense viaxarán esta semana rumbo a Pontevedra un amplo grupo de debuxantes, ilustradores, músicos, poetas e pintores coa intención de compartir cos asistentes os seus fanzines, libros de artista, discos, tebeos, serigrafías e marabillas diversas.
ACTIVIDADES
- Mercado de fanzines e material D.I.Y.: aberto sen interrupción durante as xornadas.
- Pintura mural: coa presenza de, entre outros, Liqen (muralista galego internacionalmente recoñecido polos seus murales en Xapón, EE.UU., Ucraína, México…) e Tayone (un dos principais responsables de Amalgama, un dos proxectos culturais máis interesantes dos xurdidos en Galicia nos últimos anos). Traballarán nos muros do Liceo tamén durante as xornadas.
- Trazos do inframundo. Exposición colectiva efémera dos artistas participantes no Grapa Grapa. Só se poderá visitar durante as xornadas.

VENRES 21

18.00 h. Apertura de portas.
19.00 h. Niedowierzanie. Performance deste artista e experimentador sonoro francés residente en Berlín.
20.00 h. Beautiful Losers. Proxección do documental de Aaron Rose e Joshua Leonard que trata a evolución e dilemas dun grupo de artistas dende os seus inicios vencellados á cultura DIY ata o seu recoñecemento popular e masivo, que os acaba por converter en elementos da cultura mainstream norteamericana e, por extensión, da cultura global.

SÁBADO 22

17.00 h. Apertura de portas.
18.30 h. “Si un árbol cae en el medio del bosque y no hay nadie alrededor, ¿el árbol existe?” Conferencia conxunta entre Néstor Delgado e Diego Vites. O primeiro, responsable de La Piscina Editorial, falará sobre as dificultades de organizar un proxecto cultural alternativo en Tenerife, lugar culturalmente periférico no que as propostas desas características apenas atopan saídas. O artista Diego Vites, pola súa parte, tratará a súa experiencia como parte do grupo FAC Peregrina, espazo artístico tamén independente e periférico ubicado en Compostela. A charla servirá como presentación do fanzine “Diego Vites. Si un árbol cae en el medio del bosque y no hay nadie alrededor, ¿el árbol existe?”, editado por La Piscina.
20.00 h. Aries. Ademáis de vir a presentar o seu fanzine Fase Lunar, realizado en colaboración con Natalia Umpiérrez, Isa Fernández vainos dar unha pequena sorpresa.
20.30 h. Atomizador. O responsable do exquisito e prolífico selo Afeite al Perro de do fanzine Haz ten tamén preparada unha pequena sorpresa.
22.00 h. Clausura. Sorteo da Gran Cesta de Nadal do Liceo Mutante. As rifas poderánse adquirir na barra do Liceo durante as xornadas.

 

Cineclube do Liceo Mutante: Toda unha noite

       

Mércores 19 de decembro ás 21.00
O Cineclube do Liceo Mutante prosegue a súa andaina na filmografía da cineasta belga Chantal Akerman coa proxección do seu filme Toda unha noite (Tout une nuit, Chantal Akerman, 1982, 86′, VOS)
“…pero sempre a necesito a ela, teño que ver a nova película de Chantal Akerman para saber como me sitúo con respecto a ela e ela con respecto ao espectador que son eu. Ás veces sentinme máis distanciado, outras máis identificado, como en Toute une nuit. É unha das películas que máis me conmoven, con ese leit-moti
v dos personaxes que se perden na escuridade da noite, case todas as historias rematan con esa imaxe dunha gravidade un pouco terrorífica e constitúen o reverso de Charlot afastándose cara ao horizonte.”
Conversa telefónica en torno a Chantal Akerman entre Jose Luis Guerín e Miguel Marías. Podes atopala completa en español aquí: http://intermediodvd.wordpress.com/2012/10/29/conversacion-telefonica-en-torno-a-chantal-akerman-por-jose-luis-guerin-y-miguel-marias-2/Non teñades medo do frío que temos estufas!!!!
A entrada é de balde.

Comunicado do Liceo Mutante

Como a maioría de socios e amigos sabedes, estamos a experimentar dificultades para desenvolver a nosa actividade habitual debido a unha,a todas luces esaxerada, presión policial
A A.C. Liceo Mutante decidiu en asemblea ter a ben de establecer un proceso de diálogo co Concello de Pontevedra a vindeira semana, coa firme e boa vontade de chegar a unha solución satisfactoria aos nosos intereses e aos

da veciñanza de Pontevedra.
Por razóns alleas ao noso desexo, a actuación de Mujeres e Travesti Afgano queda suspensa. O resto de actividades programadas seguirán desenvolvéndose segundo o esperado ata novo aviso e esperámosvos a todos para pasar un mes de Nadal que ningúen poderá esque
cer.
Dende a asemblea do Liceo queremos poñer de manifesto que a boa relación cos veciños do barrio de Mollabao é unha das nosas maiores preocupacións e tamén unha das chaves do noso traballo. Mostra disto é a colaboración desinteresada de numerosos veciños no mantemento da asociación e a súa involucración no noso día a día. Cremos tamén que a nosa presenza axuda a dinamizar a vida dun barrio como Mollabao que leva sufrindo décadas de abandono social e cultural.
Neste momento e no incerto futuro é moi importante para nós contar con todo apoio popular posible como xa puxestedes de manifesto estes días e polo que estamos infinitamente agradecidos.
Estamos dispostos a chegar a onde faga falta para defender a nosa asociación, o noso espazo e a nosa autoxestión.
“A forza do noso amor non pode ser inútil”
Longa Vida ao Liceo Mutante!!!

Asemblea do Liceo Mutante
en Pontevedra 15 de decembro de 2012

Aldaolado: Con dez poemas por barba!

Venres 14 de decembro ás 21.30

A poesía chega ao Liceo por fin, pero no chega dun xeito normal.
Chega da man das esmendrellantes autoras de espectáculos coma:
“Onde estea un cubata que se quite un soneto” ou “Moita poesía pouca diversión” cuxos títulos xa son declaracións de intencións.
Así o explican elas:
Aldaolado

presentan

Con dez poemas por barba
un espectáculo de poesía, historias e cancións
para emocionar a aqueles que odian a poesía

Como é un espectáculo de poesía, o título non é outra cousa máis ca unha metáfora. Relamente son menos poemas cada unha e nós non temos barba, non só hai poesía e hai moitas historias, algunhas que nos pasaron e teñen que ver cos poemas e outras que nos contaron e veñen a conto dalgún verso. Tamén hai cancións, as nosas preferidas e moitas ganas de compartir co público, de xogar, de emocionarnos e divertirnos. Un recital de poesía que non é eso que cres que é un recital de poesía de señores con barba.
Con dez poemas por barba, pretende chamar a atención daqueles que miran a poesía de reollo. Porque para Lucía Aldao e María Lado alectura de poesía non pode ser algo que adormeza
o espectador. Partindo deste presuposto Aldao e Lado presentan un recital de poesía ameno, dotado de ritmo e comunicación aberta co espectador, no que este adquire ademais un papel activo. Durante o recital hai música en directo, xogos, historias, momentos de reflexión… pero sobre todo hai comunicación poética pura e verdadeira.
Con este e outros dous espectáculos anteriores (“Onde estea un cubata que se quite un soneto “ e “Moita poesía, pouca diversión”), Aldao e Lado levan xa seis anos circulando por teatros, salas, festivais de poesía, museos, casas da cultura, institutos, bares e outros moitos sitios insospeitados dentro e fóra das fronteiras galegas. O seu recital adaptase a cada circunstancia e a cada público porque a súa esencia é o directo, a inmediatez.
Os textos que compoñen o recital son poemas propios, creados polas dúas poetas, algúns inéditos e outros recollidos en libros ou revistas. A música, parte substancial do espectáculo, pona a guitarra e a impresionante voz de Lucía.

Aquí podedes ver como as gastan:
http://www.youtube.com/watch?v=8N0o3WQo-5w
http://www.youtube.com/watch?v=OH0A7eiiSv8
http://www.youtube.com/watch?v=1JZfSi_oUG8
http://www.youtube.com/watch?v=aWBw3MRJBec
http://www.youtube.com/watch?v=Yx1oQrvrZ0c

Risas e emoción garantizadas por só tres euros destinados integramente a cubrir os gastos das poetas
Colabora!

Cineclube do Liceo Mutante: Novas da casa

        
Mércores  12 de decembro ás 21:00
O Liceo non vai parar por moito que algúns se empeñen, así que dende o seu Cineclube comezamos un novo ciclo de proxeccións en torno á directora belga Chantal Akerman
Comezamos coa proxección de Novas da Casa (News from Home, Chantal Akerman, Franza/Bélxica/RFA, 1977, 85′, VOSE)

“Proust escribiu na súa obra fundamental: “As paixóns esbozan os nosos libros, o repouso dos intervalos escríbenos”. En News from Home (1976), Akerman, lé co seu sentido da musicalidade, pero sen afectación emotiva, as cartas que

a súa nai (presente dun xeito ou outra en moitos filmes da súa filla) lle escribiu durante a primeira estanza da cineasta en Nova York. Durante un ano e medio, a comezos dos anos setenta, Akerman fixo longos paseos en solitario pola cidade. Cando, tres anos despois, volveu a Nova York para rodar News from Home, a cineasta revisitou os lugares, antes de filmar 170 minutos para un filme que finalmente duraría 80 minutos. É dicir, practicamente aproveitou a metade do material rodado. A memoria e a reflexión sobre a experiencia vivida fixeran o seu traballo. Pasado o tempo, a memoria dos espazos mostráballe cal había de ser o lugar preciso onde colocar a cámara para revelar unha mirada persoal ligada a un sentimento de estranxeiría (e á vez á vontade de coñecemento dunha realidade allea) que tamén habita outros filmes seus posteriores, estean rodados no leste de Europa, o sur dos Estados Unidos, nos dous costados dun paso da fronteira entre México e Estados Unidos, ou en Tel Aviv. Pasado o tempo, esta cineasta, que rexeita o sentimentalismo para que poida aparecer unha emoción máis profunda, leu as cartas da súa nai cun distanciamento que fai comunicable a experiencia: é doado recoñecer nelas o desexo materno que a filla sexa feliz, pero tamén os reclamos para que volva a pródiga, a quen tanto bota de menos; e tamén a preocupación constante pola saúde da filla (que se coide, que se porte ben) así como a recomendación que evite transitar por lugares perigosos. Pasa o tempo e as nais non cambian”
Inma Merino en: http://www.blogsandocs.com/?p=4226

Non teñades medo do frío que hai estufas!!!!!!!
A entrada coma sempre é de balde

Longa vida ao Liceo Mutante!

No pasado mes de agosto, a Asociación Cultural Liceo Mutante de Pontevedra recibiu unha orde de cese de actividade musical por carecer da licenza pertinente.

Dende a Asociación puxemos tódolos medios legais ó noso alcance para intentar paralizar a execución da devandita orde e a consecución dunha licenza a cal nos permitise continuar coa nosa laboura desinteresada de fomento e libre intercambio c

ultural.

A resposta do concello foi a negativa a concesión da licenza á vez que nos animaron a continuar desempeñando a nosa función de divulgación cultural avisándonos, eso si, de non recibiren ningunha denuncia por ruidos ou similar xa que estabamos realizando a nosa actividade fora da legalidade e obligaríalles a actuar.

Sen mediar denuncia, a Policía Local de Pontevedra personouse no Local Social da Asociación, sito na rúa Rosalia de Castro, 100, con ánimo sancionador atendendo á citada orde do mes de agosto sin que mediara denuncia algunha por ruidos ou similares, o pasado sábado 24 de novembro, emitindo a correspondente denuncia.

Sen máis, este pasado sábado día 8 de decembro volveron a personarse no citado Local Social antes do comenzo do concerto programado para esa data coa firme intención de parar o evento, volvendo a facer acto de presencia durante a realización do mesmo, polo que nos vimos na obriga de suspendelo e de desaloxar a todo aquel que se atopaba no interior do local.

Entendemos que a nosa situación non é a desexable, e que coa lei na man non temos razón; pero tamén entendemos que a policía está a actuar de xeito persecutorio e interrompendo unha actividade sen ánimo de lucro, de libre intercambio cultural, respectuoso coa veciñanza e coa cidadanía da vila de Pontevedra.

Por este motivo, o Liceo Mutante anuncia ós seus socios que seguiremos loitando polo que consideramos xusto, polo que cremos unha necesidade cultural demandada por un amplo sector da sociedade; por iso seguiremos adiante ata conseguir regularizar a nosa situación.

Dende a Xunta Directiva comunicamos que estamos a traballar no asunto, e da vindeira Asemblea do xoves día 13 de decembro sairá o noso plan de actuación decidido, coma sempre, coa votación dos Soci@s.

Moitas gracias a todos polas vosas mostras de apoio.

Longa vida ó Liceo Mutante.

Cineclube do Liceo Mutante: Gatos pendurados + Xa que se vos dí que é posible

Mércores 5 de decembro ás 21:00
A semana pasada sufrimos uns problemas técnicos que nos obrigaron a suspender a sesión ao chisco de comezar, polo que pedimos desculpa a todos os asistentes.
Por este motivo, nesta semana retomamos a programa frustrado da semana pasada.
Para rematar o ciclo adicado a Chris Marker proxectaremos dúas pezas do director francés:
Gatos Pendurados (Chats Perchés, Chris Marker, Franza, 2004, VOS, 57′)
“Pouco tempo despois do choque de Setembro de 2001, velaí que aparecen, nos tellados de París, uns gatos. Cun gra
fismo simple e de feitura perfeita, que resalta sobre a virtuosidade, por veces enleada, dos grafittis, levan con fachenda un amplo sorriso. Así que alguén, á noite, arrisca romper o pescozo por facer pairar unha mensaxe de bondade sobre esta cidade que tanta falta ten. Este filme constrúese seguindo a pista dos Gatos Sorrintes, de sorpresa en sorpresa”
Chris Marker

Xa que se vos dí que é posible (Puisqu’on vous dit que c’est possible, Chris Marker, Franza, 1973, 47′, VOS)
Documenta a folga sostida polos traballadores da fábrica de reloxes Lip

Non teñades medo do frío que agora temos estufas!!!!!

A entrada é de balde