Casting Tour de Pinga Teatro


Precisamos de moito teatro polas veas!

Por iso temos un CASTING TOUR de actores e actrices para unha telenovela de 400 capítulos (coma mínimo), e en todas as linguas peninsulares e subtítulos en inglés.
Encargouselle tal cometido a un representante do textil catalán para que viaxara por tódos os lugares e buscase no seu periplo a diversidade interpretativa non contaminada.

Terá sorte o director Jordi Sardana de Montserrat na súa pesquisa de un sistema novidoso na produción e realización teatral?
Non o sabemos inda, pero por fortuna terá a axuda de Galicia Uxía nesta arriscada empresa!

Agardamos que aproveitedes esta oportunidade ao ‘estrellato’ no vindeiro casting do venres 1 de Febreiro, ás 21h. no Liceo Mutante (onde senon)

Lembrade contar co donativo de 4 euros (ou traer os vosos carnés de socios mutantes)

Unha produción de Pinga Teatro.
Reparto: María Carrera e Miquel Condal
Vestiario: Carmen Martínez
Son e Luz: Fran Soaje
Espazo escénico e Dirección: Miquel Condal

Cineclube do Liceo Mutante: Tráfico

Este mércores proxectaremos a comedia franco-alemana Tráfico (Trafic, Jacques Tati, Francia-Alemania,1971,96′,VOSE)

Na súa liña de sátira da sociedade moderna é o último filme no que director francés Jacques Tati interpreta ao personaxe de Monsieur Hulot

O señor Hulot é deseñador en Altra, unha pequena sociedade parisiense dedicada á fabricación de automóbiles. A el encárgaselle conducir un Renault 4 dotado con numerosos dispositivos da súa invención ata unha exhibición en Ámsterdam. Na súa viaxe, o tránsito vehicular presentarase como un obstáculo. Maria, encargada das relacións públicas de Altra, moi impaciente a causa dun atraso inicial, desencadea coas súas accións unha serie de contratempos e catástrofes.

Entrada de balde
Este mércores día 30 de xaneiro ás 21:00 proxectaremos a comedia franco-alemana Tráfico (Trafic, Jacques Tati, Francia-Alemania,1971,96′,VOSE)

Na súa liña de sátira da sociedade moderna é o último filme no que director francés Jacques Tati interpreta ao personaxe de Monsieur Hulot

O señor Hulot é deseñador en Altra, unha pequena sociedade parisiense dedicada á fabricación de automóbiles. A el encárgaselle conducir un Renault 4 dotado con numerosos dispositivos da súa invención ata unha exhibición en Ámsterdam. Na súa viaxe, o tránsito vehicular presentarase como un obstáculo. Maria, encargada das relacións públicas de Altra, moi impaciente a causa dun atraso inicial, desencadea coas súas accións unha serie de contratempos e catástrofes.

Entrada de balde

o Tece que Tece volve en febreiro!


Volve o Tece que tece no mes de febreiro. Neste curso poderás inciarte ó mundo da calceta, aprender diferentes puntos ou plantexarte novos retos tricotosos, compartindo experiencias e de charla na mellor compañía. Todo isto da man da nosa guía e mestra Ángela Valdenebro.

Se estás iniciándote recomendámoste comezar cunha la ben gordiña do número 6 ou 8, coas agullas do mesmo número. Se tes algunha dúbida sobre os materiais, coméntanola no momento de reservar a plaza indicarémoste cáles son os materiais máis indicados para cada caso.

O obradoiro realizarase todos os luns do mes de febreiro, é dicir do 4 ó 25, das 20:00 ás 22:00 horas.

O prezo serán 15 euros para os/as non socios/as e 10 euros para os/as socios/as.

Haberá límite de prazas, dáte présa e non esquezas enviar a túa mensaxe a tecequetece@gmail.com para te inscribir.

Cineclube do Liceo Mutante: Recordaçoes da Casa Amarela, uma comédia lusitana


Mércores 23 de xaneiro ás 21.00
O cineclube do Liceo Mutante mergúllase no fascinante e divertido mundo do director portugués Joao Cesar Monteiro coa proxección do seu filme Recordaçoes da Casa Amarela (Joao Cesar Monteiro,Portugal 117′)
Este filme inicia a triloxía de Joao de Deus, alter ego do director portugués que tamén protagoniza os filmes.

Lisboa, 1989: Un pobre demo de mediana idade vive no cuarto dunha pensión barata e familiar, na zona antiga e ribeirá. Atormentado pola enfermidade, e diferentes tipos de vicisitudes, o idiota, que se alimenta de Schubert e quizais dunha cinefilia como forma de resistencia á miseria, é posto na rúa despois dun intento frustrado contra o pudor da filla da dona da súa pensión.

Só e carente de calquera recurso, enfróntase á dureza do espazo urbano, e é internado nun hospicio,de onde sairá coa firm determinación propia do home libre, para cumprir unha misión “rica e estraña”, que lle foi encomendada por un vello amigo, enfermo mental coma el, “Ve e dálles traballo”.
J.C. Monteiro

Entrada de balde

Comunicado do Liceo Mutante

A asociación cultural autoxestionada Liceo Mutante informa do estado en punto morto no que se atopa a súa situación irregular a cal lle impide a realización de eventos musicais nas instalacións do seu local social da rúa Rosalía de Castro, 100.

Desde que o pasado 14 de decembro de 2012 a Policía Local de Pontevedra se persoase no citado local social coa firme intención de parar o evento musical que alí se estaba a desenvolver, a Asociación reunida en Asemblea de socios decidiu suspender a actividade musical programada para ese mesmo mes e vindeiros, ata ter solucionado devandito problema coas autoridades. Nin que dicir ten a actuación desproporcionada da Policía Local presentando a 10 axentes para facer cumplir esa orde de cese na acticvidade musical.

A Xunta Directiva do Liceo Mutante iniciou os trámites para solicitar audiencia co señor D. Miguel Anxo Fernández Lores, Alcalde de Pontevedra; co señor D. Antón Louro, Teniente de Alcalde e Concelleiro de Urbanismo; a señora Dna. Anxos Riveiro, Concelleira de Cultura; e o señor D. Demetrio Gómez, Concelleiro de Xuventude.

Recibimos resposta da secretaria do Alcalde a cal nos informa que M. A. Fernández Lores xa está en coñecemento da nosa petición, o cal nos remite ó Sr. Louro, responsábel da área competente. Tras non recibir resposta da nosa petición de audiencia co Sr. Louro, decidimos personarnos no seu despacho co cal, non puido negarse a recibirnos, deixándonos claro que sen a obtención da licenza pertinente, el non pode permitir a nosa actividade. Isto levounos a poñernos en contacto coa técnico municipal encargada de aprobar os proxectos para a concesión das licenzas a cal porá no noso coñecemento, agardemos que con brevedade, os requisitos ós cales debemos axustarnos para que a nosa petición vaia a trámite.

Sen máis a nosa reunión con Dna. Anxos Riveiro e D. Demetrio Gómez, tiña coma finalidade atopar unha solución viable para continuar coa nosa programación musical sen perxuizo de ninguén buscando espazos alternativos para a realización dos mesmos namentras o noso local social siga á marxe da legalidade, e ademáis a consecución dalgún tipo de axuda para a realización da conseguinte reforma. Aínda que a disposición parece boa non podemos máis que inquietarnos ante a lentitude do proceso e a falta de implicación por parte dos políticos da nosa vila á hora de resolver este conflicto, cargados de boas intencións nas palabras pero cunha falta de acción desesperante.

A Asociación Cultural Autoxestionada Liceo Mutante de Pontevedra, só pide que se lle permita continuar prestando o mesmo servicio que durante un ano e medio lle leva ofrecendo á cidadanía da nosa vila, un servicio cultural demandado pola sociedade polas carencias que a este respecto presenta o noso Concello, e que nós estabamos a desenvolver de xeito desinteresado, sen custa algunha para as arcas municipais.

Seguiremos loitando para que non nos quiten este dereito. Unha gran maioría de nós estamos en situación de desemprego, sen oportunidades nin futuro e non imos permitir que nos arrinquen un dos poucos motivos que nos quedan para non marchar da nosa cidade.
Longa vida ó Liceo Mutante!

Cineclube do Liceo Mutante: Mañá mudámonos

       

Mércores 16 de xaneiro ás 21:00

Para rematar o ciclo adicado á cineasta belga Chantal Akerman proxectaremos un dos seus ultimos filmes: Mañá mudámonos
( Demain on deménage, Francia/Bélxica, 2004, 110′,VOSE)

Neste filme, Chantal Akerman muda o rexistro dos outros filmes proxectados neste ciclo para achegarse á comedia.

En declaracións da propia directora no dossier de prensa do filme:
«A personaxe de Charlotte é moi próxima a min, á súa idade e hoxe mesmo. Buscar como vivir nun sitio, falar a todo o mundo, a desorde, a relación cos obxectos… Todo iso é semellante a min propia»
(tirado de http://cineclubedecompostela.blogaliza.org/2009/01/20/charlotte/)

Sinopse:
Charlotte esfórzase en facer un oco na súa vida para Catherine, a súa nai, que acaba de quedar viúva.
Entre a desorde de caixas por desempaquetar, Charlotte percórrese a casa co portátil para poder volver poñerse
coa novela erótica na que estaba a traballar. Catherine dá clases de piano e empezan a vir alumnos un tras outro.
Cando está desocupada, ponse triste pensando nas manías do seu pobre marido. As dúas deciden vender o piso, Charlotte
ponse a buscar un estudo para traballar co axente inmobiliario Popernick, un expatriado polaco que acaba por ter
un romance con Catherine. De casualidade, Charlotte coñece a Michelle, unha poetisa da súa idade que necesita un piso
para escribir polas tardes. Charlotte asina un contrato de aluguer con ela e acepta usalo só polas mañás.
Acordan non se volver ver nunca.

Entrada de balde

Obradoiro sobre Kyriarcado

Xoves 10 ás 20:00

Este é un obradoiro aberto a calquera persoa interesada na xustiza social e que estea buscando novas ferramentas para pensar e falar sobre discriminación, opresión e privilexio. A linguaxe será accesible pero o debate será profundo. Non fan falla grandes coñecementos teóricos, pero si moitas ganas de pensar.

‘Kyriarcado’, un termo que empezou a utilizar a teórica feminista alemana Elizabeth Schüssler Fiorenza, sérvenos para ampliar o debate sobre o patriarcado e levalo a ámbitos máis alá do xénero: orienzación sexual, raza/etnia, clase socia, diversidade funcional/discapacidade, aspecto físico, lingua, especie… Por exemplo, ¿como analizamos a dinámica de poder entre unha muller rica branca e un home pobre negro? ¿E a dinámica de privilexio entre unha muller que non teña ningunha ‘discapacidade’ recoñecida, e unha con parálise cerebral? Non nos chega falar de patriarcado: temos que falar de kyriarcado.

A actividade será moi participativa e incluirá dinámicas individuais e colectivas que nos axudarán a comprender os fundamentos do sistema kyriarcal e dos seus subsistemas, a reflexionar sobre como afectan ás nosas vidas, e a pensar sobre como podemos aplicar o pensamento interseccional a máis e mellor activismo.

O obradoiro está impartido por Xiana GF, quen ten dado outros obradoiros e charlas en distintos foros e asociacións. Xiana é estudiante de Ciencias Agrarias e Botánica en Cornell University (EEUU); autora do documental curto Vera, Lara (and visas), premiado no festival de cine GLBT Lesgaicinemad (Madrid, 2011) e proxectado noutros festivais internacionales; pensadora e blogueira en http://xianagf.wordpress.com/

Cineclube do Liceo Mutante: A cautiva

      

Mércores 9 de xaneiro ás 21:00

Despois do parón do nadal o Cineclube do Liceo Mutante retoma a súa actividade co ciclo adicado á cineasta belga Chantal Akerman.
Esta semana proxectaremos A Cautiva (La Captive, Chantal Akerman, Francia- Bélxica,2000, 108′,VOS)

“Chantal Akerman realiza con La captive unha versión moi persoal e distante de todo o que concirne ao patolóxico affaire Albertine da novela de Marcel Proust En busca do tempo perdido, contido nos volumes Á sombra das rapazas en flor, A prisioneira e A fuxitiva.”
http://misteriosoobjetoalmediodia.wordpress.com/2012/03/07/la-captive-chantal-akerman-2000/

Entrada de balde

 

Cinema e Videoxogos + Pinchada de Luismi “Lobishome”

 

Esta vez imos afondar no devenir da historia dos videoxogos: ese octavo arte que tantas horas de satisfacción e baixo rendimento escolar nos ten dado.

Indie Game: The Movie fai un repaso do proceso creativo de varios desenvolvedores independentes (Super Meat Boy, Fez e Braid) deténdose na búsqueda obsesiva de expresión a través dun producto tecnolóxico como o que temos entre mans.

The King of Kong: a Fistful of Quarters narra a historia de dous xogadores empedernidos do Donkey Kong enfrentados pola honra de acadar a mellor puntuación da historia e unidos pola paixón polo mítico videoxogo.

Dende as 18.30 do venres, ven case a despedi-lo Nadal con cousas ben interesantes!

Ademais unha vez finalizadas as proxeccións teremos un invitado de luxo aos pratos, o ínclito Luismi de Lobishome vainos poñer uns cantos temazos!

All for free.
Gratis.
De balde.
Pola Patilla (tamén estará).