Mércores 10 de xullo ás 20.30

Concerto do músico vizcaíno IbonRG e do músico galego Alexandre Losada.

Ibon anda metido nun bo feixe de cousas da música vasca, dálle ao post-hardcore libre e nervioso (Eten), á improvisación electroacústica (Gárgara) ou á fanfarria experimental (Txaranga Urrtebizkaia), produce a Mursego e acompaña a Xabier Montoia.
Nesta ocasión IbonRG presentará o seu disco dobre Hil Zara, con cancións propias executadas tanto á capella como ao piano, cun pe na música da súa terra e o outro no infinito
www.ibonrg.net

Alexandre Losada traballa nas marxes das músicas improvisadas, empregando a súa guitarra (preparada moitas veces) coma fonte infinita de sons agochados, fráxiles. Emprega a guitarra para torturala, agarimala, retorcela e facerlle cóxegas coas súas estranas técnicas, nun proceso cheo de sutileza pero que non escapa da crudeza e da enerxía.
Desta volta vai empregar unha escacharrada guitarra de pau.

Pedírase unha axuda entre 5 e 8€ destinada integramente aos músicos