Xoves 12 de outubro ás 20.30: Alex Silva e Feather Star

Coñecerás ao galego Alex Silva polo seu sobrenome Astroboyz, co que se ten labrado unha fresquísima consideración na electrónica patria e de máis alá (reside en Baltimore na actualidade). Un tempo despois, vén presentar o proxecto que pon baixo o seu nome, concebido e deseñado nos EUA, gravado e rematado no país (concretamente finiquitado en La Cortina Roja da Coruña), traballo no que profundiza no seu estudo do cruce entre o analóxico e o dixital, a armonía e o arpexio, ademais acompañado nestes concertos por Marcos Pazo (Ekkaia) á batería. Aclamado por popes coma Dan Deacon ou Kloke, poderalo degustar no Liceo nunha actuación sen par.

Completa a noite a misteriosa formación arousana Feather Star que promete dar unha sorpresa.
https://www.facebook.com/Feather-Star-277921369369222/

Coma sempre, poderás aportar entre 5 e 8€ para a supervivencia dos artistas, no teu supermercado cultural de confianza.