Atent@s ao primeiro domingo de mes porque UTtópico Teatro achéganos ao Liceo Mutante Antiheroica, baixo a dirección de Vanesa Sotelo.

Nesta obra as pequenas historias toman os corpos de Fran Godón e Toni Salgado, os dous únicos habitantes deste espazo impersoal, pechado e infinito. A morte, a herdanza, o heroísmo e a soidade son algunhas das claves sobre as que se constrúe esta proposta fragmentaria na que as defuncións e resurreccións fían as escenas na espera dun sentido que nunca chega.

Lembrade ser puntuais, o donativo para os artistas será de só 5 euros polo que non serven as excusas para non animarvos a dominguear dun xeito diferente.