Martes 22 de marzo ás 20.15

O Liceo Mutante engalánase para inaugurar unha semana de traca, cunha xornada de dous concertos que xiran en torno as posibilidades da guitarra, coa visita dos ingleses C Joynes e Nick Jonah Davies que veñen presentar o seu disco compartido “Split Electric”

“O guitarrista inglés C Joynes, residente en Cambridge, é dono dun impresionante fingerpicking que se remonta ao tradicional country-blues e ás primerias manifestacións do ragtime. Sen embargo, emprega esta técnica para explorar tradicións melódicas alternativas: as cancións do folk inglés, as músicas do norte e oeste africano, elementos da música clásica india, o protominimalismo, e as músicas impresionistas da tradición clásica europea. O seu achegamento ao proceso de gravación e composición contén un sutil e sen pretensións cariz experimentador, ás veces incluíndo collages sonoros, gravacións de campo, procesamentos, gravacións en plein air, e corta e pega”
C Joynes editou seis albumes, o último deles en colaboración coa cantante Stephanie Hladowski, e xirou extensivamente ao longo do Reino Unido e Europa, compartindo concertos con xente coma Martin Carthy, Shirley Collins, Richard Dawson, Alasdair Roberts ou Jack Rose

https://nickjonahdavis.bandcamp.com/
https://www.youtube.com/watch?v=F-xFVur_e6k

Nick Jonah Davis é un guitarrista de Nottingham, Inglaterra. Publicou tres álbumes: o split con C Joynes “ Split Electric” (2016), House of Dragóns en Lancashire e Somerset (2015) e Of Time and Tides no seminal selo americano Tompkins Square (2011). A súa música foi incluída tamén no cuarto volume da recompilación de guitarra , Imaginational Anthem, e o seu álbum de tributo a Michael Chapman: Oh Michael, look what you’ve done

Davis compartiu concertos con James Blackshaw, Michael Chapman, Richard Dawson, C Joynes e Alasdair Roberts, tendo actuado tamén no 10.ª Festival Anua del Guitarra de Nova York Festival ao lado do lendario artista e folklorista, Max Ochs

https://cjoynes.bandcamp.com/

http://www.threadrecordings.com/002.html

Pedírase unha axuda de 5 euros, destinada integramente as músicos