Venres 10 ás 20.00
Manolo e Xurxo polo whatsapp:
– Cof cof
– A ver meu, a que andas? (icono da sevillana)
– Pois nada, a este paso e co catarro que teño vou ter que quedar en casa o venres…
– Si? Pois vaille dando ó paracetamol porque hai concerto no Liceo e quero que veñas comigo.
– Quen toca?
– Por un lado estarán Carmonas, grupo de catro raparigas que fan un punk moi garaxeiro. Rápido, forte, tenaz. Son desa corrente valenciana da que fala todo o mundo, sabes? O Magazine, o mojito de absenta e todo iso. O seu disco debut gravouno o baixista de Betunizer. Seguro que che molan. Mandeiche o disco por WeTransfer.
– Gracias meu, a ver se chega. E por outro lado?
– Pois as brutais Bala. Dúo xurdido das cinzas de Calixta, lémbraste? Son unha montaña rusa na atracción do rock.
– ¡Vaia metáfora machiño!
– Xa ves xd xd. Fan unha mistura de stoner, grunge, punk e todo o que lle botes enriba. Veñen de facer kilómetros cos colegas de Acid Mess pola península e non paran de tocar.
– ¡Carallo! Pois a ver se fai efecto o paracetamol.
Escoita ás Carmonas aquí: http://carmonascarmonas.bandcamp.com/album/carmonas
Aquí un video: https://www.youtube.com/watch?v=zA66BzAGcPQ
Bala teñen facebook: https://www.facebook.com/SOMOSBALA
Xa sabes, faille caso a estes dous preas e ven o venres 10 ó Liceo Mutante. Por 5€ de donativo para as bandas terás acceso a 2 concertos bestiais no nosa humilde asociación. Ás 20:00h abrimos portas e haberá comida e bebida a prezos de taberna do Priegue Club de Fútbol. Non quedes na casa!