Sábado 25 de xaneiro ás 20:30

O sábado veñen os Chavalan, auténticos seres mitolóxicos do Liceo. Xuntan entre eles ducias de noites históricas na nosa casa en formacións como Betunizer, Aullido Atómico, Cuello, A Veces Ciclón, Jupiter Lion… Agora chegan envoltos na frescura dun doble-baixo-e-batería ensemble a presentar o seu primeiro disco «Un aire invisible». Flexibilidade, gomosidade, cimbreo, «more cowbell» e vea do pescozo a puto latexar. Sede de vida. DESDE VALENCIA.

https://mascarponediscos.bandcamp.com/album/un-aire-visible

Con eles tocarán Desamortización, da casiña. Pospunk liberal da vella escola decidido a despoxar á igrexa do seu patrimonio. Historias cotiás desgarradoramente familiares. Escuridade no fondo da litrona. Desaires eléctricos a Amancio Ortega.

https://desamortizacion.bandcamp.com/

Vinde celebrar que existimos, que existides, que existen as artistas e que xa queda menos para o verán. A entrada son os clásicos 5 a 10 euros, o que querades e podades, que lles daremos ás bandas porque o merecen máis que ninguén.