11 enero 2016

Cineclube do Liceo Mutante: Culloden



culloden 2

culloden 1

Xoves 14 de xaneiro ás 20.00

Inauguramos a programación deste ano coa proxección do filme Culloden de Peter Watkins.

Culloden, Peter Watkins, Reino Unido, 1964, 69′, VOSG

O 16 de abril de 1746 tivo lugar no páramo de Culloden a última batalla librada na Gran Bretaña e a última tentativa armada de derrocar ao rei de Inglaterra. Alí, o exercito británico, comandado polo duque de Cumberland acabou definitivamente co segundo alzamento xacobita dirixido por Carlos Estuardo. A derrota, e a durísima represión que a seguiu nas Terras Altas, significaron a integración definitiva de Escocia no reino británico e a desaparición do sistema feudal de clans vixente ata o momento.

Este feito histórico é o que escolleu Peter Watkins para centrar a súa primeira longametraxe. Cun uso minucioso dos datos históricos, asesorado polo novelista John Prebble, e fronte á factura tradicional dos melodramas históricos, Watkins filma Culloden con actores non profesionais (moitos deles, descendentes directos dos combatentes na batalla de Culloden) e provocando, coa filmación e a montaxe, a sensación de que a batalla estaba a acontecer diante das cámaras dun programa de noticias.

Entrada de balde