Sábado 2 de agosto ás 22.30

7 LIMBOS (Alexandre Cancelo e Berio Molina, 2019)
…
Sete grupos de enmascarados percorren diferentes paisaxes. Nas súas cascas levan fósiles debuxados, a presenza dunha identidade descoñecida. Cos seus movementos baten no chan das cidades, permanecen quedos agardando polo ruído da ruína e capturan o vento coas súas vestimentas. 7 LIMBOS é unha viaxe sonora polas veladuras do espectral da man das e dos artistas Miguel Prado, Alejandra Pombo, Nick Papadimitriou, Alberto R. Samaniego, Ignacio Castro, Loreto Martínez e Isaac Cordal.

Actividade en colaboración co Cineclube Pontevedra