Luns 9 de decembro ás 20.30
“Forzando á lingua a asumir o berro do animal, o silencio frío das conexións, a fauna incontrolada, chispeando coma voltios azuis, o calor do metal e a boca. Falando entre dous sen facelo. Facendo do son unha proba definitiva da amizade, do amor,do disparate. Para dicir o indicible. Para soar, soar sempre outra vez.”
Esta descrición tan fermosa corresponde á tamén fermosa música que fan os nosos convidados especiais deste luns: Criticón Dúo
Criticón son Petr Vrba e Tomás Gris. O primeiro vén de Praga, o segundo dende Madrid. O primeiro encárgase da trompeta, altofalantes que vibran e cacharrada, o segundo do saxofón preparado e tamén cacharrada electrónica.
Xuntos facturan unha música que viaxa entre a improvisación libre a música electroacústica, no que o timón ven marcando pola independencia e a liberdade creativa.
Petr Vrba leva traballando no eido da improvisación libre non idiomática dende 2005; as trompetas, o clarinete, os altofalantes, os obxectos ou a cacharrada son algunhas das súas armas. Ryu Hankil, George Cremaschi, Miro Toth, Xavier Charles, Isabelle Duthoit, Franz Hautzinger, Seijiro Murayama ou Ava Mendoza, algúns dos seus múltiples compiches.
No 2012 funda a Orquestra de Improvisación de Praga.
http://www.vrrrba.cz/
Tomás Gris é un improvisador baseado en Madrid. Focaliza o seu traballo no saxo alto preparado, obxectos e dispositivos electromecánicos. Moi influenciado pola filosofía, as matemáticas, a arte e sobre todo o cinema. Desenvolveu o seu traballo con xente coma Alfredo Costa Monteiro, Tim Olive, Wade Mathews, Artur Vidal ou Lali Barriere entre outros.
http://tomasgris.wordpress.com/
Despois do seu concerto como dúo realizarán un segundo set en formato trío acompañados polo músico pontevedrés Alexandre Losada: https://vimeo.com/user14564950
Pedirase unha pequena colaboración de 4 euros para axudar a cubrir os gastos dos músicos.
A xira do Criticón Duo é apoiada polo Centro Checo do Estado Español.
http://madrid.czechcentres.cz/programa/event-details/criticon-duo2/