Sábado 17 de febreiro ás 20.30

Tardiña de mestría, clase e retrousos impresionantes no Liceo Mutante.

Cró! volven na súa visita esporádica ao Liceo para deixarnos abraiadas coma sempre coa súa maxia sonora, esa potencia controlada que non podemos explicar, pero si gozar tremendamente. Os concertos de Cró! no Liceo son intensos, agarimosos e soan fetén. Que máis queres?

Presentarán de novo o seu Mounstros, discazo do ano pasado que rompeu todos os nosos esquemas!!

http://www.spacecro.com/

Os vascos Pet Fennec son a materialización en banda do proxecto de Urko Eizmendi. Mount Pleasant é un disco concebido para ser tocado por unha banda eléctrica desatada, e no que tivo volcado a súa visión musical. Retrousos incríbeis, guitarras crúas, melodías inesquecíbeis e en xeral ese tonito a lo Pavement e Dinosaur Jr que tan ben nos fai sentir.

https://petfennec.bandcamp.com/

Gozada másima por entre 5 e 8€ a distribución horizontal da riqueza. Abrimos portas ás 20.30 e apagamos os amplis antes das 22.30 na túa ferretería cultural favorita, o Liceo Mutante.