Venres 13 de outubro ás 20.30: Decurs

Decurs:

– Tres compoñentes, sen mutilacións evidentes.
– 0 dioptrias nos seis ollos.
– Primeiro ensaio: 18 de outubro de 2005.
– Instrumental: guitarra, baixo, batería, graznidos.
– Teñen tocado en 0 países distintos e 11 comunidades autónomas diferentes.
– Vello facial: subnasal, lateral, non.
– Teñen editado unha cinta, un 7″, un cd-card, un split cd, un mini-cd e un LP.
– Etiquetas aplicables: Post Punqroq, Pop Extremo, o seu puto rollo.

Cabezas pensantes e mans facentes do colectivo barcelonés Ojalá Estë Mi Bici, os Decurs pasan polo Liceo para poñer un pouco de sabor mediterráneo ao noso hummus cultural e presentar o seu Incendio deste ano.

https://decurs.bandcamp.com/album/incendio-2017-lp12

Coma sempre, empápate as mallas de facer cultura de proximidade, móllate a golpe de dB doando entre 5 e 8€ para os artistas, acude, informa, coñécenos.