Xoves 15 de outubro ás 20.15: Don Vito (Alemaña) + Pneu (Francia)

Amig@s, hai noites que definen épocas, a do xoves 15 promete ser unha delas coa visita de dúas das bandas máis veteranas, sorprendentes e comprometidas deste noso mundo do DIY, que veñen presentar un recente disco compartido.

Dende Leipzig, Alemaña, chegan os demoledores Don Vito, un power trío instrumental de guitarra, baixo e batería que arrasará con seu noise rock angular, afiado e discordante.
http://donvito.bandcamp.com/

Os franceses Pneu veñen dende Tours descargar a súa artillería. Son dous, pero non precisan máis ninguén xa que con guitarra e batería sóbranse para facturar un rock ruidoso e matemático (que os emparenta con bandas como Lightning Bolt ou Hella) co que querarás menear até as orellas.
http://pneu.bandcamp.com/

Pedirase unha axuda de 5 € para que as bandas podan continuar o seu camiño.