Venres 12 de maio ás 20.30
Tentar abarcar, falar, opinar de Emilio José é unha actividade superflua, unha boutade.
Emilio José é nada e todo: un músico ermitaño que saca un disco con tres decenas de cancións pop por dicir algo – Agricultura Livre – despois de varios anos de aparente letargo, desaparece uns meses e volve cun album de rap en clave futurista e política – Nativos Dixitais-.
Un iconoclasta que renuncia á imaxe e un filósofo que renuncia á filosofía.
Un -xa- mito inabarcable da música independente con todas as letras, a xoia agochada dunha xeración de artistas que ten na xente coma el o seu maior expoñente. Temos toda a vida para analizar a súa obra, pero só esta data para poder gozar o misterio en vida!
Podes comezar a tentar abarcalo: https://emiliojose.bandcamp.com/
Pandoé é o proxecto de Ángel Pardal e acaba de publicar o seu segundo disco «Coriqui», onde exhibe unha brillante gama de colorido electrónico, ensoñador e enérxico.
https://pandoe.bandcamp.com/
https://www.youtube.com/watch?v=hZYthsVy5WE
Para nós é unha honra que nos visiten o próximo 12 de maio. Acude co espírito e a mente abertas, ven! Por entre 5 e 8€ de donativo para os artistas, a eternidade.