Martes 7 de xullo ás 20,30

Fai xa anos que vimos a Eten abrindo para The Ex nun inesquecíbel concerto en Azkoitia. Dende aquela estamos desexando que veñan visitarnos.
Pois ben, os tempos son chegados, Eten veñen ao Liceo na súa primeira visita a Galicia.

E quen son Eten?
Eten son Ibon e Unai, ruído e ritmo, tensión e liberdade. Veñen de Bilbao e son unha das bandas máis inclasificables e con máis personalidade do Estado.
Incansables activistas musicais metidos sempre en mil historias e colaboracións veñen presentar o seu cuarto disco Atx! que conta coa colaboración e manipulación de Tzesne.

O seu son parte da improvisación para armar un repertorio tan visceral na execución, como sólido na súa mensaxe. Imaxinativos e intensos, guitarras en procesos de autodestrución, ritmos rotos, drones e ocasionais ventos dislocados.

Free punk feroz e indomábel, que supón un acto de liberdade e experimentación que nos volará a cabeza!

Non perdas esta oportunidade única de ver unha banda única por só 4 € de axuda á banda.

http://www.etentaldea.net/