Xoves 16 de abril ás 20.00: Fabuloso Combo Espectro + Uzumaki

Fabulosa velada a que nos agarda!

FABULOSO COMBO ESPECTRO (Madrid/Discos Humeantes):
Compostos por Ayuso, Raúl, Roberto e Antón, estes madrileños xa coñecen o noso fogar. Xa saben onde está a cociña, a barra, os baños e, sobre todo, as nosas alfombras, que xa pisaron tantas veces. É un gusto que nos acompañen unha vez máis, xa en Pontevedra, posto que tocaron e axudaron a organizar o “Sarao mutante madrileño” en beneficio da nosa ferida asociación. Os Fabuloso son guitarras afiadas na túa cabeza, melodías infinitas, azucre, pum, plas, graves definidos e moito baile. Levan 7 anos na estrada. Son veteranos. Saben o que fan.

Escóitaos aquí: http://fabulosocomboespectro.bandcamp.com/
Videoclippppe papando: https://www.youtube.com/watch?v=wcr4HiLTFMo

UZUMAKI (Ourense/Discos Porno/Mama Vynila/Boston Pizza Records):
Outros que xa coñecemos son os nosos apreciados Uzumaki. Artur e Theo danlle unha volta aos 90. Un rexurdir de gritos, pelexa, esgarros, melodía, depresión e todo iso. Letras coreables sen precisar de coros. Son 2, baixo e guitarra. Poden encher estadios pero terían demasiado espazo libre para corretear. Prefiren o Liceo, e nos os preferimos a eles.

Split con Terremoto Sí: http://mamavynilarecords.bandcamp.com/album/uzumaki-terremoto-s-split
Cassette: http://bostonpizzarecords.bandcamp.com/album/uzumaki-uzumaki-cs
Vídeo tope guai: https://vimeo.com/112234218

Todo por 5€ íntegros, coma sempre, para as bandas. Faremos cea para todos e todo iso. Xa nos coñecedes ♥

Ás 20:00h abrimos portas.
Ás 20:30h debería comezar o choio.