Temos preparada unha boa festa para o sábado 20!

FAUX son 3, veñen dende Madrid e gústanlles as “F”: F de falsetes, F de fuzzzzz e F de festa. Unha mistura rara entre Block Party e os Goons of Doom, punk de festa nun garaxe con pouca luz. Terán o pracer de tocar o seu EP homónimo que xa presentaron por toda a Península e que levaron esta semana a Francia.

Escoita FAUX: https://fauxmadrid.bandcamp.com/album/faux

CEDEZAOITO é a nova composición que fixeron un profesor e un farmacéutico de Pontevedra. Unha ecuación na que Santi e Alex dan forma a un androide que camiña arredor dun punk escuro por paisaxes post-rockeiras. Boa xente estes Cedezaoito, que ademais sacaron fai pouquiño a súa Triada. Só con receita médica.

Escoita Triada: https://cedezaoito.bandcamp.com/

Como sempre, haberá as viandas de sempre, o trato familiar e a estufiña quentando. Non te perdas este evento que, por só 5€ de donativo para as bandas, fará a túa tardiña un pouco mellor.

Apertura de portas ás 20:15!