CANCELADO!!!!!!
Venres 31 de maio ás 20.30: Favx + Las cruzes

Pechamos o mes de maio con bo tempo e dous bolos para bailar ben!!

Nados na década dos 90, FAVX misturan un pouco de post-punk con post-hardcore, sacando un sonido enérxico que entra polas orellas, rebota no tímpano que, á vez transmite as vibracións aos osos do oído e acaba traducíndose mediante as neuronas ciliadas en distorsión, atmósferas e melodías contundentes nas áreas corticais encargadas de saborear a música. Batería, baixo, guitarra e voces que fan que as catecolaminas e endorfinas flúan polo cerebro facendo de case necesidade biolóxica mover o corpo e abrazar ao que teñas ao lado.

Escoitaos aquí:

https://favxpop.bandcamp.com/

Con eles veñen Las Cruzes, dúo que traballa a electrónica, o punk e o jazz, acompañando sintetizadores e baterías con voces. Sons que bailan entre o videoxogo e o jazz, ritmos e cambios que mandan activación e inhibición ás neuronas hipotalámicas e unha sensación xeral de facer traballar ás sinapses.

Escóitaos:

https://lascruzes.bandcamp.com/

Achégate a descansar de exames e traballos o venres 31 de maio na R/ Rosalía de Castro 100, por un donativo para as bandas de entre 5€ e 10€.