Mércores 1 de marzo ás 20.30: Ghold
Noite de tralliña para as reimaguistas, sludgeras e melvinstianas do Liceo Mutante e comarca.
Por se este dúo británico de sludge pesado, complexo e atávico non tiña suficiente con levar cabeza tractora e gabarra, agora son tres, sumando ao multiinstrumentista Oliver Martin no remolque.
O seu terceiro disco, PYL, andan a presentalo por toda Europa e é unha macarrada épica de riffs pesados, letras distópicas, e unha raiba administrada ao longo de catro temas que, se non os tocan, non os deixaremos marchar.
Atende!!!
https://ghold.bandcamp.com/
A túa monodose de leña para aguantar tanta parvada como hai no mundo, solicitando a cambio entre 5 e 8€ (á vontade) para que os artistas sigan o seu camiño.