Mércores 13 de setembro ás 20.30

Seguimos por aquí coa nosa tónica de seres únicos, músicos que marcan unha era.

Kevin Robert Thomson (Hazel Atlas), unha das almas fundacionais dos Enablers que pasaron polo Liceo fai semanas, volve estar aquí para implantar o seu mantra de opaco e máxico songwriting. Igual que na banda matriz, flota co vento como unha rede e morde como unha araña. Presenta aquí o seu último ticket de motel de estrada na súa viaxe sen fin polos escenarios do mundo:
https://kevinrobertthomson.bandcamp.com/

MY NAME IS NOBODY, alter ego de Vincent Dupas, fundador e líder daquela estratosférica cabalgata diy chamada Fordamage (que visitou o Liceo fai nada, un lustro). Un home pegado a unha guitarra, unha voz e unha idea, que dende 2002 navega por un mar de folklore americano con ventos indie rock, que o levaron a compartir escenario con xente coma Bill Callahan, Yann Tiersen, Explosions in the Sky, Lambchop, Matt Elliott…Virá acompañado por Pierre Marolleu na batería e Hugo Allard no baixo, cos que grabou o seu último movemento:
https://mynameisnobody.bandcamp.com/album/the-beast-in-my-name-is-nobody

Ó final do show ambos grupos xúntanse para tocar unhas cantas versións (Pyschelic Furs, Fleetwood Mac, Palace, The Gun Club…) baixo o nome de Los Bastarditos.

Formar parte da historia cunha peaxe irrisoria, entre 5 e 8 € para o tránsito dos artistas. Goza!