No Liceo Mutante sempre fomos moito de santificar as festas, por iso temos un plan moi especial para este domingo de resurrection. Kishote, Mr Mime e Lluvia de Ciervos é o combo de voces anxelicais que visitarán este domingo 27 o noso querido templo.

Kishote, aguerridos alemáns facendo un potente punk-emoviolence continental, épica e tralla a partes iguais, escóitaos aqui:
http://kishote.bandcamp.com/

Descubriendo a Mr Mime veñen de Madrid, screamo a 2 voces, acaban de publicar un single co gran Santi García aos mandos: https://descubriendoamrmime.bandcamp.com/album/mary-richardson-single

Lluvia de Ciervos, xente da casa, se non os coñeces aínda é que andas ás berzas, post-hardcore, screamo… ponlle a etiqueta que queiras, pero son un trallote fino en directo, veñen de gravar o que será o seu primeiro álbum nos magníficos Estudios Pastora de Vigo, veñen quentiños!
Escoita aquí un corte do disco que está ó caer: http://lluviadeciervos.bandcamp.com/track/el-perd-n

Todo este muro sónico por tan só 5 euros en concepto de donativo para as bandas. Teremos tamén comida e bebida a prezos populares coma sempre.

Abrimos portas ás 20:00 e comezaremos coa máxima puntualidade, esperámosvos!