Venres 22 de febreiro ás 20.30

Alba de gloria para o hip hop pontevedrés. Un novo sol érguese por detrás da Fracha aguilloado polo esperanzador repenicar dos subwoofers, polos refachos de lírica inapelable, pola xuventude áspera e salvadora da MKP Crew.
Constituídos como colectivo hai pouco máis de un ano, se ben os seus seis membros xa levaban varios anos curtíndose nos seus respectivos proxectos individuais, beben da tradición do rap estatal sen perder de vista a evolución do xénero en Norteamérica e sen pechar as portas a influencias de outros estilos.
Deixádevos contaxiar polo flow canda nós e vide bailar un pouco, que fai boa falla.

A entrada, donativo íntegro para os artistas, custa o que vós queirades entre 3 e 10€.

Vémonos este venres! Straigh outta Mollabao!!