20 agosto 2013

Obradoiro de cacharrada musical




Os amiguetes do colectivo Familiar están de visita no Liceo Mutante!
Os días 26, 27 e 28 de agosto teremos un taller de electrónica caseira onde o asistente poderá fabricar un instrumento musical electrónico a partir de kits desenvolvidos por Familiar, Toy divixxion ou Befaco.
Non é necesaria experiencia previa. Temos ferramentas de sobra e provense todos os materiais necesarios no kit. Aínda que traer soldador propio ou algunhas ferramentas pode facilitar as cousas.

Aries en el Liceo cartel por Natalia Umpiérrez

Pasaremos un par de días soldador en man, traballando nos instrumentos e cacharreando en xeral. Preténdese que isto, máis que un taller ao uso, sexan unhas xornadas de traballo onde se encontren mentes inquedas e curios@s en xeral.

Como alternativas á construción de instrumentos ofrecerase construción de placas de circuíto imprimido (usando pedais de guitarra como exemplo) (45€) e circuit bending, ou modificación de xoguetes antigos (35€)
Todo á vez. A saco. Nós ofrecemos posibilidades de taller e vós, incansables amig@s, decidides!
Tamén é posible pasar a tomar un algo charlando de cacharreo ou do que vos dea a gana. Son simpaticotes, non morden e din de si mesmos que saben a amorodo.

Na web familiar hai mais detalles. Aquí os kits que temos dispoñibles e prezos:

– 6DEv2(65€): Catro osciladores de onda cadrada con dous LFO para modular en frecuencia e… power Starvation! Un mini sinte – noiser relativamente sinxelo de son bastante cafre.
http://www.youtube.com/watch?v=vnu7yQ08e2Ehttp%3A%2F%2Fwww.youtube.com%2Fwatch%3Fv%3Dvnu7yQ08e2E

– Punkistylo (65 €): Baseado no stylophone, aderezado cun filtro paso baixos, altofalante externo e unha bonita caixa de madeira. Un son viejuno e cáustico con posibilidade de control por CV

– Slicer(95€): Secuenciador analóxico de 8 pasos e troceador de sinais de audio. Das factorías Befaco unha pequena marabilla electrónica

-Pixelmusic 3000(65€/75€): Sintetizador de video estilo pixel que reacciona ao audio externo. Baseado nun microcontrolador e liberado como software aberto por uncommon projects. A placa pode ser usada como plataforma de desenvolvemento ao estilo Arduino.

-Drawdio (30 €):
Converte un lapis ou outros obxectos metálicos nun instrumento ruidoso.
O Drawdio é un deseño desenvolvido e liberado baixo licenza cretative commons por Jay Silver del Lifelong Kindergarten group, pertencente ao media lab do MIT.
ADVERTENCIA: diversión sen fín.

http://web.media.mit.edu/~silver/drawdio/

– Atari punk LFO(40€): Un circuíto sinxelo desenvolvido en conxunto con TOY Divixxion. O clásico Atari punk console cun LFO para modular os seus dous parámetros. Pequeno compacto e elegantón.

– MIDI ou Trigger Mod para Monotribe(45€): Habilita o control MIDI ou saídas de trigger para sintes analóxicos para a monotribe con dous sinxelos KITs
MIDIO interno para Korg Monotribe

Para inscribirse, dúbidas ou preguntas: familiarfest@gmail.com

Guardar