Autoproxección!

1964786_613563135386396_868703205_n

Venres 28 de marzo ás 18.00

Non tes nada que facer este venres pola tarde? Iso si que é triste, pero aquí estamos nós que temos solución para todo.

Imos proxectarnos dende o noso proxector para o mundo dentro do Liceo, facendo unha pequena retrospectiva visual do -pouco ou moito- que levamos rexistrado en vídeo neste tempo, invitando á reflexión introspectiva e todas esas cousas posmodernas.

A excusa é o novo vídeo de Unicornibot, gravado no noso local por Rubén Domínguez e David Tombilla (Fan de Baiona), pero irá dentro dunha rolda de imaxes ben bonitas para tirar da nostalxia, toda unha tardiña de lembros.

Se tés algún vídeo a man que creas que se nos pode escapar, pégao aquí ou mándanos un privadiño. Vémonos o venres!

Por suposto, evento de balde :)

Cineclube do Liceo Mutante: Bos Días

Bos días
bos días 2
bos días 3

O vindeiro mércores 26 ás 21.00 proxectaremos a comedia xaponesa Bos días dirixida por Yasujiro Ozu

Bos días (Ohayô, Yasujiro Ozu, 1959,Xapón, 94′, VOSE)

A acción sitúase nun barrio residencial dunha gran cidade xaponesa. Unha comunidade na que todo o mundo se coñece. Onde se chismorrea que a presidenta da comunidade de veciños queda coas cotas para comprarse electrodomésticos e onde os nenos prefiren pasar as tardes na casa dunha veciña “distraída” vendo os combates de sumo por televisión que facendo os deberes. Os escolares van ao colexio facendo competicións de ventosidades, aínda que un deles non domine demasiado ben a técnica. Os pais encóntranse nos bares onde se contan que a empresa lles despediu tras anos de servizo fiel. Nunha casa en particular a falta de televisión provocará a rebelión dos nenos, que se negarán a falar provocando toda clase de conflitos.

Entrada de balde

Les Spritz + Klaus Legal

les spritz
klauslegal

Martes 25 de marzo ás 20.30

Este martes ten toda pinta de ser unha noite ben especial desas que tanto nos gustan no Liceo. Para que isto ocorra contamos cunha fermosa visita: Les Spritz e Klaus Legal

Les Spritz son un trío siciliano que non para de xirar por Europa adiante dándolle ao math-punk e ao noise rock como se non houbese mañá. Sempre tocando ao límite, dándolle á música unha forma ruidosa, contundente e discordante que lembra a bandas coma Arab on Radar, Melt Banana, Don Vito ou aos nosos amigos comúns de Le Singe Blanc, nun directo crebacabezas e demoledor.

http://lesspritz.wordpress.com/bla-bla-bla/

http://lesspritzz.bandcamp.com/album/sboora

Klaus Legal vén de Amiens e ten un directo inclasificable, a medio camiño entre a performance e a electrónica que fai menear a cachola por dentro e as cadeiras por fóra.
As súa retorcida voz sitúao nun lugar non moi afastado dos enormes Residents.
Ademais dedícalle unha canción a Denis Lavant!

http://klauslegal.bandcamp.com/

http://klauslegalsaysno.blogspot.cz/

A entrada a este sarao irrepetible só custará 5 euros
Non quedes na casa!

EGO de Pinga Teatro

pinga_teatro

Domingo 16 de marzo ás 20.30
Repetimos coa compañía Pinga Teatro pero desta vez presentarannos este soleado domingo EGO, un monólogo interpretado polo actor moañés Fran Paredes.
“Ego” é un texto escrito e dirixido por Miquel Condal e que ten como protagonista a un pintor que se atopa nas súas horas máis baixas e de escasa creatividade. Ante esta situación o artista decide pecharse cada día para rememorar e gravar diante dunha cámara de video toda a súa traxectoria. O argumento da obra é precisamente o que grava o protagonista nun dos días dese particular encerro, no que o monólogo interior nace froito do discurso consigo mesmo.

A obra dura aproximadamente uns 70 minutos, tempo no que ese artista saca por momentos o seu lado máis egoísta, ás veces perverso, outras contradictorio e outras infantil. Na representación xogan un papel importante na o uso da luz escenográfica, a técnica do audiovisual e a música.

Lembrade traer os vosos carnets de soci@s para facilitar o voso acceso ao Mutante. Procurade vir con tempo de desfrutar do noso xardín porque seremos puntuais!!! Desta vez o donativo integro para os artistas será de só 5 euros.

Deixade por un dia o vosos propios Egos e adentrádevos no EGO da condición humana. Vémonos!

Derrota + Banda por confirmar no Liceo Mutante!

derrota

Sábado 15 de marzo ás 20.30

Outro sábado que será memorable no Liceo Mutante.

Dende Valencia chega a apisoadora Derrota. Son 3, levan máis de 10 anos tocando e fan un hardcore-punk directo. Colle forzas e prepárate para o que ven, xa que o seu último disco “Guerra Civil” é pura dinamita. Levan máis kilómetros que Willy Fog e Pontevedra non escapa ó seu paso. ¡Tutupa-tutupá!

Escoita “Guerra Civil”: http://derrotapunk.bandcamp.com/album/guerra-civil-lp
Tocando en México: http://www.youtube.com/watch?v=xBC0TOoTrH0

Non quedes na casa vendo tele-lixo. Ven ó Liceo Mutante e por só 5 euriños (de donativo para as bandas) pasarás unha boa tarde-noite no mundo real. Haberá, coma sempre, comida e bebida a prezos populares para que non te baixe a tensión.

Cineclube do Liceo Mutante: Au hasard Balthazar

au hasad 1
au hasad 2
au hasad 3

Mércores 12 de marzo ás 21.00

Esta semana proxectaremos o filme do director francés Robert Bresson: Au hasard Balthazar

Au hasard Balthazar (Robert Bresson, Francia, 1966, 90′,VOSE)

A película é unha reflexión severa e irónica sobre a natureza humana a través do seguimento a Marie, unha tímida rapaza de campo e ao seu amado asno Balthazar ao logo de moitos anos.
Como Marie medra, a parella sepárase, pero a película narra tanto os seus destinos, xa que viven vidas paralelas, tendo como nexo común o abuso por parte de todas as formas as persoas que se atopan. O burro ten varios propietarios, a maioría dos cales o explotan, a miúdo con máis crueldade que bondade. El leva o seu sufrimento coa nobreza e a sabedoría, chegando a ser un santo no proceso. Balthazar e Marie a miúdo sofren ás mans das mesmas persoas. Pero ao final, o destino de Marie segue sen resolverse, mentres que o burro está claro.

“Au hasard Balthazar” non é un filme intelectual, é un filme total; é tan sensorial como pensado. O que os homes fixeron ata agora na poesía, na literatura, Bresson fíxoo co cine. Pódese pensar que ata el, o cine era parasitario, procedía doutras artes, e que con el se entrou no cine puro… É de todos os films que vin o que mellor responde a unha creación solitaria, é dicir á creación propiamente dita [...] Todo o cine actual – mesmo o moi bo – ao lado deste cine, parece lineal, escuálido.
Bresson intentou romper o molde da linguaxe, despuntualo… Por exemplo, oín en Bresson unha linguaxe irreprochable que é francesa… Un xa non oe francés xa que o idioma está a miúdo confinado nun molde.”
Marguerite Duras

“Au hasard Balthazar é a vida en 90 minutos”
Jean Luc Godard

Entrada de balde

Trilitrate + Was an Outsider

1623365_601534173255959_551418737_n

Sábado 8 de marzo ás 20.30

Alegría! Trilitrate volven ó Liceo Mutante para presentar o seu disco “Faláchesme na man” e aproveitarán a ocasión para facer entrega das recompensas ós mecenas que fixeron posible a súa edición.

“Trilitrate conseguen misturar a tradición centroeuropea e balcánica cun señor coma Astor Piazzola, pero no momento transfórmanse en algo semellante a Kronos Quartet tocando música xitana nunha taberna do porto de Cangas” (Desconcierto.com)

http://trilitrate.bandcamp.com/

Vídeo de “Osos Borrojos: https://www.youtube.com/watch?v=hjb4fvG4C7s

https://www.facebook.com/Trilitrate

Estarán acompañados por Was An Outsider, que chegan dende Portugal, paisaxistas sonoros cun pe no post-rock e o ambient http://wasanoutsider.bandcamp.com/

Vai ser un concertazo, e só por un donativo de 5 euros que coma sempre no Liceo, vai directo para as bandas.

3º Día do Días Rariños fest: Mike Watt & The Missingmen + Guess What? + L’oeillere

rariños.jpg 2
Mike_Watt_Missingmen
guess what
l'oeillere

Mércores 5 de marzo ás 19.00

Menuda guinda para o pastel rematar o II Días Rariños Fest…

A ver, MIKE WATT é unha lenda viva no sentido máis amplo posible, fundamental na historia da música rock e referencia coma baixista único, fundador de Minutemen e Firehose, baixista de Iggy Pop & The Stooges dende o 2003, e colaborador de Sonic Youth, Nirvana, Beastie Boys ou Black Flag. Currículo dos de enmarcar vaia.

Virá ao Liceo a presentar “Hyphenated-Man” o seu último disco con The Missing Men (Tom Watson de Red Krayola na guitarra, Raúl Morales na batería)

Aprende!: http://en.wikipedia.org/wiki/Mike_Watt
Escoita!: https://myspace.com/missingmen
Mira! ::: http://www.youtube.com/watch?v=66HCBt9F8vA
::: http://www.hootpage.com/

Ademais non veñen sós, senón que veñen acompañados de dous proxectos que tamén che farán apaludir coas orellas.

Guess What? é un dúo inglés obsesionado con Yuri Gagarin, co giallo italiano, co matemático persa Al-Khawarizmi e a música de Oriente Medio. Teclados, batería, percusións,melódicas, trompetas… todo vale na súa hipnótica proposta que foi descrita coma un combate entre un Burt Bacharach acelerado e un Ennio Morricone nunha viaxe psicodélica.

http://guesswhat3000.blogspot.fr/

http://catapulterecords.com/guesswhat.html

Detrás de L’Oeillere agóchase un belga ao que lle encanta aporrear a guitarra clásica ata sacarlle sons imposibles, estructuras retorcidas en calquera espazo no que poda enchufar o seu ampli.

http://www.loeillere.com/

http://loeillere.bandcamp.com/album/fiasco

Toda esta tarde/noite de delicatessens musicais custa na máis que 7 euros para axudar a cubrir os gastos da xira

Vente oh!

2º Día do II Días Rariños Fest: No More Lies (Costa Brava) + Grampoder (Compostela)

rariños
grampoder_horiz3
no more lies

Martes 4 de marzo ás 20.30

A ver, cóstanos crer que non coñezas a No More Lies.

Como xa sabes, levan quince anos repartindo estopa pola xeografía nacional en forma de ramalazos, pequenas revelacións de punkrock salvaxe e atrevido, con estribillos inesquecibles e riffs poderosos.

Xa sabías que non mudaron de formación xamais.

Que están aí dende o principio, alumeando aquela escea de Sant Feliu, dende o seu cuartel do Atzavara, enxendrando xiras imposibles, bandas incríbles, son únicos.

Que Santi García é xunto ó seu irmán Victor o responsable da gravación de moitos dos teus discos favoritos e faro sónico de Bcore dende fai décadas.

Que veñen de publicar o seu terceiro larga duración, In The Shape Of Expectation (Bcore, 2014), que podes escoitar aquí: http://www.rockdelux.com/…/no-more-lies-in-the-shade-of…

Que van estar no Días Rariños Fest, que o mércores é festivo.

Que estarán acompañados por Grampoder, uns grandes da vida, formación de historia viva paralela á dos cataláns, que despois dun pasado en Mato Grosso, The Homens,Fame neghra e mil mais, vannos poñer as pilas coa súa proposta chea de rock portátil, pop campestre, folk psicodélico e hardcore comeflores.

http://grampoder.bandcamp.com/

http://grampoder.tumblr.com/

Que custa 5 pavos.

Que comeza ás 20.30.

Pois agora xa o sabes!

1º Día do II Días Rariños Fest: Staer (Noruega) + Horacio Pollard (Arxentina/UK)

staer horacio
Staer
horacio Pollard

Luns 3 de marzo ás 20.30

Menuda sorte que temos que a segunda edición do Días Rariños Fest tamén a abran Staer

Os que estivestes o ano pasado xa sabedes como as gastan estes tres rapaces que chegan dende a cidade noruega de Stavanger, unha música que poucas etiquetas poden facerlle xustiza, xa que a súa proposta é orixinalísima, algo así coma un noise contundentísimo e hipervitaminado que pisa no primitivismo punk tanto coma nos territorios da vanguardia ou o jazz.

Escoitade e logo falamos: http://www.gurehitzak.com/audio/Staer_03_-_Sex_Varnish.mp3

Tremendo,non?

Pois para redondear a xogada, van estar acompañados polo anglo-arxentino Horacio Pollard, batalla campal de samples de baixa fidelidade e arrase industrial

http://horaciopollard.blogspot.cz/

Vai ser un luns para recordar, e soamente por 5 € que irán directamente para ás bandas.

Links de interese con música e vídeos:

http://www.mozartkebab.com/

http://www.discorporate-records.com/artists/staer/

Audio:

Videos:

(live at baustelle kalk)

(6th April 2012, Art School Glasgow)

(full track, Stavanger (old show)

(full track, Stavanger (old show)

(full track, Berlin)

(excerpt, Gothenburg)

(excerpt, Berlin (at the end)