Sábado 5 de setembro , teatro: The moving compass: Nino & Mambrú. Os limpabotas

Antes do confinamento despedímonos do teatro con Nino & Mabrú, os mellores limpabotas do mundo; por iso pensamos que a mellor maneira de retomar o teatro mutante post-Covid tiña que ser traéndoos de novo pero, desta vez, no xardín, amigas! Agora as súas acrobacias van brilar como os zapatos que lustran!
Os limpabotas é un espectáculo de media máscara, ou comedia humana, inscrito nas veas do teatro físico. A nova compañía The Moving Compass combina acrobacias, esgrima, mimo e improvisación co público de tódalas idades.
Pero quen son os limpabotas? Son Nino & Mambrú, dous excéntricos irmáns que aparecen de súpeto na cidade buscando ao seu próximo cliente. Gábanse de ser os mellores do mundo enteiro, así pois, quen terá a honra de ver os seus zapatos relucir como unha patena?
Tede en conta que coa nova situación covidiana o noso aforo queda reducido e, polo tanto, precisamos que fagades as vosas reservas de entradas no seguinte enderezo: teatroliceomutante@gmail.com
Lembrade que a entrada consiste nun donativo de entre cinco e dez euros, destinados íntegramente para para xs artistas, e que temos que coidarnos todxs para manter a seguridade no espazo. O uso de mascara é obrigatorio e dispoñedes de xeles desinfectantes no local.
Abrimos as portas ás sete e media, agardámosvos