Domingo 29 de abril ás 20.30: Wind Atlas + Torso

Os barceloneses Wind Atlas volveron despois dunha longa noite de pedra para destapar o seu synth-pop escuro e desgarrador. Agora xa mergullados ata o pescozo coas armas da electrónica, agárranse aos flotadores do folk etéreo, o postpunk cru e o que faga falla para o seu novo son, unha perfecta locomotora postindustrial que nos ha facer pegar a camisa.

Veñen presentando o seu novo disco An Edible Body, unha auténtica pasada de álbum onde caben dende himnos darkwave ata a emoción pura.
https://windatlas.bandcamp.com/

Torso son o reverso escuro e incisivo do Morrazo. A formación (Xavier Souto e Ibán Pérez para este concerto) segue afiando os coitelos para prepararnos un cóctel de ambient negro e terso.
https://torsodrone.bandcamp.com/releases