Goudron + Kebrantahuesos no Liceo!!

Venres 31 ás 20:30!!

Dende Nantes, facendo unha xira pola península chega ao Liceo a apisonadora Goudron co seu hardcore ruidoso e enrevesado influenciado por bandas como os Melvins ou Botch.
Veñen dispostos a cortar cabezas cos seus riffs imposibles e rabiosos.
Bótalle un oído e flipa:

http://electricjunkrecords.bandcamp.com/album/goudron-s-t-10inch

Tamén repartirán cera os composteláns Kebratahuesos, banda de crust punk formada por membros e ex-membros de bandas como Madame Germen ou Extinción. Zapatilla cousa fina!

http://www.facebook.com/kebrantahuesoscrust

Non hai entrada no Liceo Mutante, pero o grupo solicita como donativo para gasolina catro lereles, que seguro que os ías gastar nalgo que non querías.

Recordade traer o voso carnet mutante, a entrada só está permitida a socios!

AVISO!!!!
COMEZARÁ ÁS OITO E MEDIA PUNTUAL!!!!

sábado 25 ás 18:30

O Liceo organiza este sábado unha xornada de convivencia.
Nela teremos un fantástico mercadiño de 2º man onde poderás atopar todas esas cousas que sempre desexaches ter e non sabías onde conseguilas.
Ademais unha serie de xogos populares (petanca, chave, corda,..) e de mesa impedirannos aburrirnos un só instante.
Por suposto, haberá premios para os máis intrépidos
Para amenizar semellante velada contaremos ás 21:00 cunha exhibición dos instrumentos realizados no obradoiro que está impartindo esta semana no
Liceo Yuri Landman, a cargo da Yuri Landman Ensemble.
Yuri é un luthier e músico experimental holandés colaborador de xente como Sonic Youth, Jad Fair, Action Beat, Noel Akchoté, Gw. Sok (The Ex) ou Melt Banana.
O seu traballo como compositor sitúase na liña dos traballos máis orientados ao drone dos Sonic Youth ou as composicións sinfónicas para guitarras eléctricas de Glenn Branca ou Rhys Chatham.

http://www.hypercustom.com/

A entrada é de balde.

Drive West Today + 23 Red Ants + Dios Pentágono

Xoves 16 ás 20:30

O Liceo preparou para este xoves un menú de tres platos:

- Dios Pentágono, formación mutante (nunca mellor dito) adicada a improvisación, non sabemos que alineación traerán esta vez, mais seguro que hai unhas cantas sorpresas

- 23 Red Ants, debut no Liceo desta formación de luxo adicada tamén a improvisación. É un organismo bicéfalo e polimórfico nacido das mentes de dous saboteadores do son: Macarena Montesinos e Niet F-N. A primeira, membro da Orquestra Omega e de Suelen Estar Quartet, o segundo, artist

a sonoro italiano cabeza pensante detrás de proxectos como ranter’s bay ou rec_L
http://soundcloud.com/23redants

- Drive West Today ven de Tasmania! DWT é Joshua Santospirito, cuxa guitarra coverteuse rapidamente nun dos instrumentos máis imprevisibles do país: ás veces unha arma para ser temida, noutros tempos unha deliciosa pluma que pica as orellas. Situado algo incomodamente nalgures entre a arte sonora e o jazz, Santospirito leva anos desenvovendo o seu propio estilo, sempre evoluíndo. Nesta ocasión visítanos dentro da súa xira Acousmatic Ecology Tour
DWT tamén foi un proxecto colaborador co paso dos anos, incluíndo músicos: Jnine Stanton (Alice Springs) e Nadine Kessler (como parte de Silberhörnli de Hobart) así como artistas visuais como – Christopher Downes (Tasmania), Mimi Leung (Hong Kong), e Anthony Magen (como parte de MONA FOMA 2010).
Orixinarimente de Melbourne, Santospirito consumiu moita da súa vida de vida adulta en diversos desertos e cidades de Australia pero está agora baseado permanentemente en Hobart, Tasmania, dende onde el planea dominación mundial.
http://drivewesttoday.bandcamp.com/

Toda esta jarana por só catro euros.

Hecceidad e Simios no Liceo Mutante!

Martes 15 de xullo ás 21:30!
Non hai queixa ningunha polo estupendístico underground galego.

Os ourensáns de Haecceidad vano demostrar o próximo martes 14 de agosto, na súa particular visión do rock, electrónica, samba e todo o que se che poida pasar polo jerolo.

http://haecceidad.bandcamp.com/

Virán acompañados polos Simios da Guarda, primos de mar e primates de rock!

http://www.myspace.com/simiosweb

Isto no medio das festas e en víspera de festivo. Mimadriña, o que imos gozar!

As bandas agradeceranvos esos catro ecus para gasofa e vicios!

Igmig no Liceo!

Venres 10 de agosto, 22:00 Igmig no Liceo!
O liceo non para nin por vacacións.
Este venres temos ao dúo vigués quebracabezas Igmig. Electrónica, punk, experimentación e cachondeo nun concerto que fará disfrutar a todo quisque.
Como eles mesmos din:
“igmig son ig e mig. Dende a humidade e violencia dos primeros ensaios nunha bodega abandoada no Viso ate o paraíso inacababél do ruído en Vigo, tan só a unha letra de diferencia. Dende o ano 2000 deulles tempo a facer de todo, incluído non publicar absolutamente nada e aniquilar os seus instrumentos convencionais. Hoxe en día sobreviven como prolongación de aparellos con sensores e micrófonos, sometidos con luxuria aos caprichos das súas propias máquinas”.

http://mdmme.weebly.com/igmig.html

Por só tres euros, non ir é tontería.