Älforjs

1936207_1008394159236623_3700376215313621715_n

Xoves 26 ás 20.30
Trio xerminado no contexto dun obradoiro de Carla Bozulich no Out.fest en 2014, os Älforjs chegan agora a un primeiro e importantísimo punto de definición e aplomo coa edición de ‘Jengi’.
Aliñando tres nomes con peso no seo da música máis destemida feita en Portugal, nas figuras de Bernardo Álvares, Mestre André e Raphael Soares, ernrédanse nunha selva de polirritmos e percusión expansiva, nubes difusas de electrónica, estalos de saxo e baixos hipnóticos. Cerimonias voodoo e psicadelismo febril, en longas pezas dun ritualismo tan celebratorio como enrevesado.
Acentuadamente tribalista envolta nunha parafernalia de instrumentos de percusión compartidos por todo o trio, combinada coa omnipresente electrónica e cos “riffs” de contrabaixo ou de baixo eléctrico, resulta unha combinación nada obvia e nada previsible de jazz, rock, experimentalismo electroacústico e música africana, tan misturada e tan indisociable que parece forxar un novo estilo.

https://www.facebook.com/alforjs

Por só catro euriños
Esperámoste!!!

DAiKiRi

daikiri

Rapazada!

Hai un tempo, creo lembrar alá polo 2012, visitaron o Liceo Mutante uns cantos tolos franceses que ben parecían sacados da mítica aldea gala dos Astérix e Obélix. Foron días de moito ruido, bailes, mantras… como se beberamos todos da máxica poción vivimos unha comunión moi especial con bandas galas coma Fordamage, Marvin, Goudron… Pois ben, unha das visitas máis especiais que vivimos ese ano, e atreveríame a dicir en toda a historia do Liceo foron os Le Singe Blanc. E é aquí onde entramos en materia con Daikiri.

Daikiri son banda irmá e paralela dos míticos Le Singe Blanc, a fórmula base ven sendo a mesma, ritmos bailables, moita intensidade e volumen…como din eles, samba alternativa para cans de trineo, pero desta vez entregada en doses moi pequenas, temas de 1 minuto de media. Hai que estar rápidos.

https://daikiri.bandcamp.com/

Un martes para a lembranza por 4 euros de donativo para estes benditos galos.

Abrimos portas ás 20:00, esperámosvos!

Festa da Asociación pola Defensa da Ría: Móvete pola Ría

Temos o pracer de convidarvos a unha celebración moi especial para o Liceo Mutante. O sábado pola tardiña abriremos o noso local para desfrutar dun convivio en apoio á “Asociación Pola Defensa da Ría”, piar fundamental da militancia ecoloxista en Pontevedra, abandeirados da loita contra a terrible veciña que nos asfixia e destroza a nosa fermosa ría, a fábrica ENCE-ELNOSA.

Nos vindeiros días levarán a cabo diferentes accións de visibilización e reivindicación, sendo unha delas esta xornada de festa na que pasaremos a tarde xuntas no xardín con vistas a esa ría pola que todas imos pelexar ata mirala libre e limpa.

Dende as 18 horas haberá petiscos, música, e festa garantida. A partir das 20:30 contaremos coas actuacións de dúas bandas que quixeron unirse ao evento para mostrar todo o seu apoio á causa:

-Por unha banda teremos a Piter, Ralph & Tery, un trio formado por membros de Debuxos Reanimados que ven deleitarnos con toda a súa retranca e imaxinación.

-Pola outra veñen os Enki, contundente proxecto de Jose, Alber, Kin e Yago, músicos con longa traxectoria en importantes bandas da nosa vila co que pecharemos a xornada de festa.

Todo isto por 3 € que irán destinados para que a APDR siga defendendo a nosa contorna como o leva facendo dende hai case trinta anos. Mostra o teu apoio compartindo con nós a tarde do sábado 21 a partir das 18 horas no local do Liceo Mutante, na rúa Rosalía de Castro nº100, Mollabao, Pontevedra.
____
A “Asociación Pola Defensa da Ría” de Pontevedra (APDR), nace a finais de 1987 como resposta á preocupación cidadá diante da grave situación de deterioro ambiental que sofre o medio natural na zona; trátase dunha asociación ecoloxista plural e aberta a todas as persoas que -con independencia da súa condición e ideoloxía- coincidan no interese pola recuperación e potenciación da maior das riquezas ecolóxicas da nosa bisbarra: a ría e o seu contorno.

A nosa aspiración a un modelo de desenvolvemento sustentábel, baseado na explotación racional dos recursos marisqueiros, pesqueiros e forestais e dun turismo alternativo, e o convencemento de que este desenvolvemento económico e ecolóxico da bisbarra vai ligado en moi boa medida á recuperación do ecosistema rio-ría , xustifican de cheo a adopción do nome da Asociación.

No camiño cara á consecución do obxectivo xeral adiantado, a APDR prantéxase conquerir a eliminación da totalidade dos vertidos contaminantes (urbanos e industriais) que van parar aos nosos ríos e á ría, a paralización dos recheos na Ría e nos ríos que a conforman, a desaparición da contaminación atmosférica , a adopción dun sistema racional de recollida e tratamento do lixo (baseado na reciclaxe, a reutilización e a redución); aposta por un urbanismo máis racional, por uns núcleos de poboación máis limpos, sáns e habitábeis, con máis zonas verdes e de lecer, e nos que moito do espazo hoxe ocupado polo cemento e os automóbiles sexa recuperado para as persoas. Fronte ao monocultivo de eucalipto actualmente existente, defendemos unha explotación diversificada e o uso racional de todas as potencialidades que o monte galego ten (madeira, froitos, cogumelos, turismo, lecer, educación…

A loita pola recuperación dos espazos naturais non degradados definitivamente e pola desaparición dos principais focos contaminantes da nosa ría, TAFISA e, nomeadamente, o complexo CELULOSAS-ELNOSA, foi fundamental no noso facer cotián, no que vimos promovendo e organizando todo tipo de actividades de divulgación e sensibilización (charlas, conferencias, edición de boletíns e informes técnicos,…), mobilizadoras (manifestacións e concentracións, recollidas de sinaturas,…) e de denuncia pública (nos medios de comunicación, diante das administracións e organismos públicos) e xudicial.

Exhaustion [ Jonas Kocher + Ilan Manouach ]

ojoj

Xoves 19 de maio ás 20.30

Non sabemos se algunha vez víchedes un concerto dun dúo de acordeón e saxo soprano pero podemos asegurarvos que este vai ser marabilloso e vos vai deixar coa boca aberta.

Neste proxecto do acordeonista suízo Jonas Kocher e o saxofonista grego Ilan Manouach expanden até o límite as posibilidades dos seus intrumentos nun achegamento ecléctico á improvisación que vai máis de alá de calquera estilo coñecido e que cuestiona no mesmo momento as propias prácticas sacralizadas da improvisación libre.

Trátase dunha música elástica, chea de contrastes e matices cunha grande forza e enerxía ao tempo que presta unha gran atención as texturas sonoras e a exploración tímbrica. Planos verticais vs terreos horizontais, explosións repentinas vs drones, cascadas de sons vs notas do pedal.

Jonas Kocher é un acordeonista e compositor suizo que colabora regularmente com Sudden Infant, Axel Dorner, Alfredo Costa Monteiro ou Michel Doneda.

Ilian Manouach é um artista multidisciplinar con sede en Atenas cun interesse específico na banda deseñada conceptual,na edición de libros, na música improvisada e no apropiiacionismo e collage

Ademais nesta noitiña no Liceo, Ilan vai presentar tamén o seu último traballo gráfico: Harvested ,editado no estado por Ediciones Valientes, baseado en contido encontrado, nunha selección arbitraria de filmes para adultos.

http://ilanmanouach.com/

http://www.jonaskocher.net/

http://bruit-asso.bandcamp.com/album/skeleton-drafts

http://edicionesvalientes.tictail.com/product/harvested-ilan-manouach

Pedirase unha axuda de só catro euros destinada integramente aos músicos

(Para a realización deste proxecto contan coa axuda da comisión de artes do goberno suízo e do cantón de Berna)

Cró! + Sonnov

cro

Sábado 14 de maio

Cró! veñen rodar os temiñas novos do que será o seu 4º disco, resultante de moito
pegamento esnifado e intrincadas consultas á revista Jara y Sedal, levan moito tempo sen saír do local de ensaio así que non sexades moi duros co seu fedor e a evidente desactualización no seu look, moi desenfadado e espontáneo, moi dos 2000… Música nova e son novo froito do desgaste e erosión do equipo, que gardan nun galpón marítimo a mercé das mareas. Cró! arrasan, derrúen, aniquilan, saquean, compróbao ti mesmx e leva a todos os teus coñecidos, incluíndo o teu veciño o que está estudando para boticario este sábado ao Líceo.

Escóitaos aquí: https://spacecro.bandcamp.com/

Sonnöv veñen dende Madrid presentando o seu último disco “Caballo Perdedor”, un cabalo do bo, do que había antes… como o dos 80… Post­rock instrumental e con visuais, tamén do bo, arrasada sonora capaz de tirar a embaixada de Estados Unidos en Irán, un soniquete saboroso tan grato como rascarse onde pica, un ritmo tan suculento como o ostiazo que lle meteron a Berlusconi, acordádesvos? uns visuais tan exquisitos que vos farán esquecer a última alteración á Constitución, unha xente tan boa que á beira deles Gandhi é un yonki sodomita, ve e cóntao, Sonnöv, como o Avecrem para os vosos pratos…

Escoita a estes benditos aquí: https://sonnov.bandcamp.com/

Achega exigua de 5 rupias, etiqueta imprescindible dende logo, na catedral musical galega que é o Liceo Mutante ás 20:30, repartide amor foder!!

Iniciación á música electrónica por Nacho Igmig

obradoiro

Sábado 14 de maio

OBRADOIRO DE INICIACIÓN Á MÚSICA ELECTRÓNICA

Impartido por: Nacho Muñoz aka madamme cell
Nivel: iniciación
Duración: 4 h
Horario: de 10h a 14h
Prezo: 30 euros Y/ 25 euros socios mutantes

DESCRICIÓN
O obxectivo deste taller é coñecer todos os procesos que se dan na creación de música electrónica, dende a gravación de mostras de son ata a súa posterior mistura en tempo real. Coñeceremos como funciona o son dende as súas entrañas, crearemos instrumentos dixitais con Pure Data, gravaremos soniquetes polas rúas cos nosos móbiles e faremos sesións bailongas con Fruity loops ou Ableton Live.

PROGRAMA
CREACIÓN DE INSTRUMENTOS DIXITAIS: partindo de cero construiremos un pequeno sintetizador virtual. pasando por todos os procesos que conflúen na xeración de son por medios electrónicos.
SAMPLING :: Sairemos ás rúas a gravar para crear un arquivo propio de sons
EDICIÓN :: experimentaremos cos sons previamente gravados e aprenderemos os segredos básicos da edición (compresión, equalización, efectos, masterización)
REMIX:: Crea as túas propias bases, engade voz e instrumentos e prepara unha live session!

DESTINATARIOS
Está dirixido a todas as persoas, músicos e non músicos, que desexen coñecer cómo funciona a música electrónica para crear as súas propias sesións. Non se require experiencia musical previa
MATERIAL INCLUÍDO
material audiovisual/ligazóns de interese, instrumentos electrónicos analóxicos (sinte, looper, etc)
NECESIDADES
Levar un computador portátil con memoria libre e un móbil para gravar sons.

RESERVA A TÚA PRAZA EN: actividades.liceomutante@gmail.com

Howie Reeve

Howie Reeve

Xoves 10 de maio ás 20.30

É para nós unha sorte poder anunciar a visita do escocés Howie Reeve.
Howie leva percorrendo o mundo co seu baixo e a súa voz un porrón de anos, colaborando con todo quisque, (só lembrar o seu recente disco co noso admirado amigo Mike Watt) levando a súa música imposible, fráxil e fermosa a todos os lugares onde o queren escoitar.

Howie Reeve atópase actualmente de xira pola península presentando o seu terceiro álbum de estudo. ‘Smaller, Now’ (The Audacious Art Experiment/Rede Wig) viu a luz o pasado mes de Febreiro e significa outro firme paso adiante na carreira dun dos artistas crave para a escena europea.

Cun virtuosismo zero academicista que toma o baixo como instrumento nai, a obra do de Glasgow pode aplicar ao post-punk, á canción de autor ou ao experimental de forma equidistante (escóitese o seu último 7” con Mike Watt – The Minutemenen – publicado o ano pasado). Todo, grazas a unha dicción personalísima, coa que é capaz de entrelazar paisaxes melódicos, desenfreos hilarantes e confesións fondamente emocionais. A súa proposta é algo único, toda unha experiencia á marxe dos formatos contemporáneos de canción rock aos que estamos afeitos.

Se vos gustan Gastr do sol, Jim O’Rourke, David Grubbs ou For Carnation non vos deberiades perder isto por nada do mundo.

https://howiereeve.bandcamp.com/

Por só 5 euros que é imposble que gastases nalgo mellor :)

Sly & The Family Drone + Stef Ketteringham

sly

Domingo 1º de maio ás 20.15

Ola mutantes. É aquí, cando a cousa ponse seria. O que temos para celebrar o día do traballador é algo gordo.

Dende Inglaterra veñen xuntiños os Sly and the Family Drone con Stef Ketteringham. Imos por partes.

Sly and the Family Drone. Dicir que son un grupo ó uso é faltar á verdade. Son unha auténtica experiencia. Os seus directos son algo imprevisible. Conducidos por unha base rítmica, aderezados con altas doses de electrónica-noise, ó resto é difícil de pronosticar, non hai dous directos iguais, basta botarlle unha ollada ós videos dos seus concertos. Promete ser unha experiencia única:

https://familydrone.bandcamp.com/

Por si esto fora pouco, temos a Stef Ketteringham para completar a noite. A él coñecémolo de cando a súa visita ó Liceo cos tristemente disoltos Shield Your Eyes, (inconmesurables).
Que se pode dicir de Stef, sáelle o flow por tódalas esquinas. É todo un bluesman cos dedos, un soulman coa gorxa, e todo él é un punkman nas súas maneiras. Mira e intenta controlar ese tremor irresistible na túa perna.

http://music.shieldyoureyes.com/track/divide-tour-demo

Máis claro, auga. Serán 5 € de donativo para os músicos. Xa sabes onde estamos. Moito amor mutante!
Publicacións recentes

Wann e Uppercut

wann

Sábado 30 de abril ás 20.15

Ola rapazada!

No Liceo sempre estamos de noraboa, cada día que abrimos as nosas portas é unha alegría e máis cando nos visitan coleguis coma os Uppercut. Desta volta virán facendo un megatándem moi fermoso cos tamén coleguis de WANN.

WANN, son unha dupla forte de Barcelona. Tráennos temas enérxicos e vitalistas con reminiscencias dos 90. Himnos, melodías, estribillos, ritmacos e moita paixón é o que veñen presentando neste seu segundo disco “We knew it was you”:

http://wann.bandcamp.com/

Uppercut xa os coñeces ou deberías, son xente amiga de Ourense, virán presentando o seu novo disco ” Grelología” (por fin!). Ritmos trepidantes, intensidade, matemática rock, post o que queiras, pero tocado dende o corazón. Quén dixo que o math rock era aburrido ou estaba exento de sentimento?, dálle o play oh!!!

http://subesube.bandcamp.com/

Toda esta cousa rica por 5 € de donativo para as bandas. Teremos de comer e beber a prezo populares coma sempre. Abrimos portas ás 20:00.

Non sexas parvo e move o cú con nós!

Proxección de vídeos gañadores do festival Olloboi

olloboi

Xoves 28 de abril ás 21.00

Proxección dos traballos de video dos gañadores das distintas edicións do festival Olloboi.

Olloboi é un festival audiovisual escolar sen ánimo de lucro feito en Galicia.
O seu primeiro obxectivo é recopilar, difundir e poñer en valor os traballos audiovisuais que moreas de alumnado e profesorado comprometido levan a cabo nos centros educativos.

Dende O Grove, Moaña, Dodro, Pontevedra…moito ollo con estes creadorxs!!

Entrada de balde.